Дар остонаи Рӯзи миллии мубориза бо истикбори ҷаҳонӣ ва рӯзи донишомӯз (4 октябр) ҳазорон нафар аз хонандагони мактаб ва донишҷӯён субҳи имрӯз (якшанбе) бо Оятуллоҳ Хоманаӣ раҳбари Инқилоби Исломии Эрон дидор карданд.
Оятуллоҳ Хоманаӣ таъкид карданд: “Амрикои гургсифат албатта заифтар, аммо ваҳшитар ва вақеҳтар шудааст ва дар муқобил, Ҷумҳурии Исломии Эрон бо дифоъи муқтадирона ва манъи мантикии музокира бо Амрико роҳи нуфуз ва вуруди муҷаддади ин кишвар ба Эронро бастааст”.
Раҳбари Эрон гуфтанд: “Ҳамон шарорат, ҳамон гургсифатӣ, ҳамон талош барои эҷоди диктатории байналмилалӣ ва ҳамон султаталабии беҳад, имрӯз низ дар Амрико вуҷуд дорад албатта бо ваҳшигарӣ ва вақоҳати бештар”.
Эшон таъкид карданд: “амрикоиҳо, ки барои музокира бо сарон кишварҳо бар сари онҳо миннат мегузоранд солҳост барои гуфтугӯ бо мақомоти Эрон исрор мекунанд, аммо Ҷумҳурии Исломӣ имтиноъ мекунад, ки таҳаммули ин масъала барои душманони миллати Эрон хеле сахт аст, зеро ба ҷаҳониён исбот мекунад дар дунё ҳукумате вуҷуд дорад, ки қудрати ғосибона ва диктатории байналмилалии Амрикоро қабул надорад ва зери бори ҳарфи зӯр намеравад”.
13-уми обони 1398 ҳиҷрии шамсӣ (4-уми ноябри 2019) Рӯзи миллии мубориза бо истикбори ҷаҳонӣ дар Эрон аст.
40 сол пеш дар чунин рӯзе донишҷӯёни Эрон дар эътироз ба тавтеаҳои мутааддиди Амрико зидди Инқилоби Исломии Эрон сафорати Амрикоро дар Теҳрон тасхир карданд.