Пас аз гузашти беш аз ҳашт моҳ аз таҷовузи бидуни натиҷа ва бидуни дастоварди Исроил ба Навори Ғазза, ин режим рӯз ба рӯз бештар дар буҳронҳои дохилӣ ва хориҷии худ фурӯ меравад. Танишҳо ва эътирозҳое дар сатҳи сиёсӣ дар даруни Исроил миёни неруҳои иҷроӣ ва низоми вуҷуд дорад ва ҳазорон нафар дар Байтулмуқаддас даст ба эътирозҳои иҷтимоӣ заданд ва мухолифати худро нисбат ба роҳандозии ҷанг, адами тавофуқ ҷиҳати озодсозии гаравгонҳо эълон карда, хостори истеъфои Нетаняҳу ва баргузории интихоботи зудрс шуданд.
Дар ин даргириҳои хушунатбор, ки миёни мардум ва неруҳои амниятии Исроил сурат гирифт, теъдоде афрод низ боздошт шуданд. Қарор аст эътирозҳои дигаре низ дар рӯзҳои оянда баргузор шавад. Неруҳои амниятии исроилӣ барои мутафарриқ кардани мӯътаризон дар атрофи иқоматгоҳи Нетаняҳу аз хушунати густардае истифода карданд.
Хушунатҳо дар майдони ҷанг низ ба сурат бевақфа ҳамчунон идома дорад. Ба дунболи бомбаборонҳои ҳавоии сангини Исроил дар кампи паноҳҷуёни «Ан-Насирот» ва дар маркази шаҳри Ғазза, дар маҷмуъ 17 нафар аз ҷумла занон ва кӯдакон кушта шуданд. Бешак ин бомбаборонҳо, бидуни ҳамдастии Амрико дар муноқишаи кунунӣ ғайримумкин буд, зеро ин кишвар дар воқеъ, худ тарафи даъво аст. Аз соли 2019 то 2023, Амрико наздик ба 70дарсади воридоти низомӣ ба Исроил доштааст.
Яке аз мақомоти исроилӣ ба адами баргузории нишасти дигаре ҷиҳати музокира бо Ҳамос ва пешравӣ бар асоси нақшаи роҳи тарсимшуда аз сӯи раисҷумҳури Амрико хабар дода ва муддаӣ шуд мо ниёзманди қатъияте ҳастем, ки Ҳамос мафоди тавофуқро тағйир нахоҳад дод. Ба гуфтаи сухангӯи артиши Исроил, амалиёт дар Рафаҳ аз замину дарё идома дорад. Талафот дар миёни артиши Исроил низ дар ҳоли рушд аст, ахиран маросими хоксупории 11 сарбози исроилӣ баргузор шудааст.
Дар робита бо буҳрони Исроил дар марзаш бо Лубнон, намояндаи Амрико ба Исроил сафар карда ва бо Нетаняҳу ва мақомоти Исроил, аз ҷумла бо Бени Гонетс, ки аз кобинаи ҷанг истеъфо дода буд, дидор кард. Гонетс ҳамчунин ҳушдор дод, ки вазъият дар марз бо Лубнон рӯ ба вахомат аст, замон ҷиҳати ором кардани вазъият ба воситаи тавофуқи дипломатик низ дар ҳоли итмом аст.
Дар арсаи дохилӣ мухолифатҳо бо ҳокимони кунунии Исроил идома дорад. Хонаводаҳои асирони исроилӣ муқобили манзили Бенёмин Нетаняҳу, нахуствазири Исроил даст ба таҷаммуи эътирозӣ зада ва хостори мубодилаи фаврии асирон бо муқовимат дар Ғазза ҳастанд. Мӯътаризон дар муқобили манзили Нетаняҳу ранги қирмиз рӯи хиёбон рехтанд ва шиори «хуни мо беҳуда нахоҳад буд», сар доданд.
Мӯътаризони исроилӣ илова бар таҷаммуи шабона муқобили Книссет (парлумонирежими саҳюнистӣ), бар имзои қарордоди табодули асирони ҷангӣ бо ҷунбиши Ҳамос дар Ғазза ва ҳамчунин баргузории интихоботи зудҳангоми парлумонӣ ва барканории Нетаняҳу таъкид карданд. Мӯътаризони исроилӣ бар поёни ҷанги Ғазза таъкид карда ва мухолифати худро бо гушӯдани ҷабҳаи ҷадиди ҷанг бо Ҳизбуллоҳи Лубнон эълон карданд. Полиси режими Исроил бо ҳамла ба тазоҳуроти зидди Нетаняҳу дар Қудси ишғолӣ, шуморе аз мӯътаризони исроилиро бо зарбу шатм ва рафтори хушунатомез боздошт кард.
Полиси Исроил барои мутафарриқ кардани мӯътаризон ва хонаводаҳои асирони исроилӣ назди Ҳамос дар Қудси ишғолӣ, ба истифода аз мошинҳои обпош мутавассил шуд. Дар ҷараёни ин таҷаммуъ, интиқодоти шадиде ба рафтори кобина ба далели тарвиҷи қонуни муофияти сарбозӣ матраҳ шудааст.
Баъзе аз манобеи Исроил аз ташдиди ихтилоф байни нахустузир ва артиши ин режим хабар дода ва таъкид доранд, ки ихтилоф миёни дафтари Нетаняҳу ва артиш дар ҳоли афзоиш аст. Рӯзномаи исроилии Ҳооретс муддаӣ аст: «сабри раиси Ситоди кулли неруҳои мусаллаҳ рӯ ба тамом шудан аст. Артиши Исроил мехоҳад ба ҷанги Ғазза поён диҳад, аммо Нетаняҳу ба далели мулоҳизаҳои сиёсӣ монеъ аз ин кор мешавад.»
Шабакаи 13 телевизиони Исроил низ дар гузорише дар ин робита эълон кард, Бенёмин Нетаняҳу дар ҷаласаи кобина ба шидатт ба артиши Исроил ва эълони оташбаси токтикиаш дар ҷануби Ғазза ҳамла кард. Нетаняҳу дар нишасти кобина иддао кард, барои дастёбӣ бо ҳадафи аз байн рафтани ҷунбиши Ҳамос ман тасмимҳое гирифтам, ки баъзе вақтҳо мавриди пазириши артиш набуд, аммо мо давлате ҳастем, ки артишро идора мекунад на артише, ки давлатро идора мекунад. Нетаняҳу ба ҳамалоти худ алайҳи Бени Гонетс, раҳбари ҳизби блоки давлат ва Годи Оизенкут, ҳамҳизбии Ӯ ба унвони генералҳои собиқи артиши Исроил, ки ахиран аз эътилоф истеъфо додаанд эълон кард, инҳо ба думболи шикасти мо ҳастанд.
Таниш миёни артиш ва нахуствазир ба болотарин сатҳи худ расидааст. Ихтилофҳо миёни артиши Исроил ва Нетаняҳу баъд аз изҳороти Даниел Ҳогори, сухангӯи артиш мабнӣ бар инки сӯҳбат дар бораи «нобудии Ҳамос авомфиребӣ аст», боло гирифт. Ӯ бар ин бовар аст, ки то замоне, ки кобинаи Исроил ҷойгузине барои ин ҷунбиш пайдо накунад, Ҳамос побарҷо хоҳад монд. Ҳамос як идология аст ва ҳаркас гумон мекунад, ки Исроил метавонад ин ҷунбишро решакан кунад, сахт дар иштибоҳ аст.
Дар баробари норизоятии низомиён, Нетаняҳу бо ҳамон дуроҳие рӯбарӯ аст, ки ба тавофуқҳои Осло дар соли 1993 мунҷар шуд. Дар муқобили фишори физояндаи ҷаҳонӣ барои эҷоди як давлати фаластинӣ ва ба вижа фишори ҳамаи ҷиноҳҳои Амрико бо ҳам, ӯ ба душворӣ метавонад нусхаеро рад кунад, ки пеш аз ин, ба блока карданаш ифтихор мекрд. Ӯ алон маҷбур аст дар баробари шарикони рости ифротияш худро тавҷеҳ кунад.
Ӯ шояд битавонад ба номи манофеи Исроил, мондан дар раёсати як давлати ваҳдати миллии бидуни рости ифротӣ вале бо ширкати рақибаш Бени Гонетс, ки пазируфта буд дар октябри гузашта дар кобинаи ҷангӣ ба ӯ мулҳақ шавад, музокира кунад. Рӯзномаи Маориу, чопи Исроил тайи як назарсанҷие эълон кардааст, ки 42дарсади исроилиҳо гуфтаанд дар сурати баргузории интихобот, тарҷеҳ медиҳанд Бени Гонетс ба нахустузирӣ бирасад ва дар муқобил 35 дарсад аз нахустузирии Нетаняҳу ҳимоят карданд.