Ҳокштейн дар 8 урдубиҳиштмоҳ низ бо маъмурияти коҳиши таниш дар марзи Лубнону Фаластини ишғолӣ ба Тел Авив ва Бейрут сафар карда буд.
Ба навиштаи вебсайтии ибрии “Воло”, сафари Ҳокштейн дар пайи ташдиди танишҳои рӯзҳои ахир дар марзи шимолии сарзаминҳои ишғолӣ бо Лубнон ва бо ҳадафи музокира бо мақомоти ду тараф анҷом мешавад то аз ҷанги ҳамаҷониба байни Ҳизбуллоҳ ва Исроил, ҷилавгирӣ кунад.
Ба навиштаи The Wall Street Journal, вай қарор аст, пас аз дидор бо нахуствазиру вазири ҷанги режими саҳюнистӣ озими Лубнон шавад то музокироти ғайримустақиме бо Ҳизбуллоҳи Лубнон ба миёнҷигарии Набиҳ Берри, раиси порлумони Лубнон дошта бошад.
Як дипломати фаронсавӣ низ бидуни зикри номи худ ба The Wall Street Journal гуфта, ки Ҳизбуллоҳ таваққуфи ҳамалоти худро ба таваққуфи ҷанг дар Ғазза машрӯт кардааст, аммо Исроил чунин чизеро намепазирад.
Ба гуфтаи як мақоми саҳюнист ва як манбаи огоҳ, интизор меравад, Амос Ҳохштейн бо Бинямин Натаняҳу ва вазири ҷанги режими саҳюнистӣ дидор кунад то онҳоро аз “таҳоҷуми заминии маҳдӯд” ба Лубнон мунсариф созад.
Рӯзи ҷумъаи гузашта, Жанин Ҳеннис-Пласҳарт, ҳамоҳангкунандаи вижаи Созмони Милали Муттаҳид дар Лубнон ва генерал Арольдо Лазаро, раиси UNIFIL бо ҳушдори ҷиддӣ будани хатари вуқуъи як даргирӣ дар миқёси бузург дар баёнияе муштарак таъкид карданд, “мо нисбат ба ташдиди танишҳое, ки ахиран шоҳид он будаем, бисёр нигарон ҳастем ва аз ҳамаи тарафҳои даргир дар “ хати обӣ” мехоҳем, ки силоҳҳои худро канор бигузоранд ва ба роҳи сулҳ мутааҳҳид шаванд”.
Пеш аз ин низ шабакаи “СБС” гузориш дода буд, ки ташдиди даргириҳо миёни Исроилу Ҳизбуллоҳи Лубнон мӯҷиби нигаронии давлатмардони Вашингтон шуда ва онҳо бими онро доранд, ки Амрико даргири як ҷанги густардатар дар минтақа шавад.
Дар оғози ҷанги Ғазза, даргириҳо ба паҳнои ҳудудан 4 километр аз марзи ду тараф маҳдӯд мешуд, аммо акнӯн ҳамалот бисёр амиқтар шудааст. Ҳизбуллоҳ ба 35 километрии Исроил ҳамла мекунад, дар ҳоле, ки Исроил манотиқе аз Лубнонро дар беш аз 120 километрии шимол ҳадаф қарор додааст.
Ба навиштаи Axios, дар гармогармии талошҳо барои дастёбӣ ба тавофуқи оташбас дар Ғазза, ҷанги эҳтимолӣ байни Исроилу гуруҳи Ҳизбуллоҳи Лубнон ба наҳви чашмгире буҳрони минтақаиро ташдид карда ва Амрикоро беш аз пеш даргири ин муноқиша мекунад.
Тайи чандрӯзи гузашта, ҷилавгирӣ аз табдили даргирӣ дар марзи Исроилу Лубнон ба як ҷанг, ба яке аз авлавиятҳои фаврии Кохи Сафед табдил шудааст.
Давлати Байден нигарон аст, ки Тел Авив бидуни доштани роҳбурде равшан ё дар назар гирифтан паёмадҳои комили як даргирии густардатар, вориди ҷанг бо Ҳизбуллоҳ шуда ва ё ба он кашида шавад.
Ҷанг дар ҷануби Лубнон ҳамзамон бо ҷанги Ғазза ва низ ҷанге, ки акнӯн дар Украина идома дорад, ҳамагӣ дар канори ҳам ё ба шакли ҷудогона ба дардисари бузурге барои Иёлоти муттаҳида табдил шудаанд. Бинобар ин, давлати Ҷо Байден барои фиристодани Ҳокштейн ба Фаластини ишғолӣ ва Бейрут аҷала кард то қабл аз инки дер шавад танишҳоро камтар кунад.
Лубнону режими Исроил дар октябри 2022 бо миёнҷигарии Ҳокштейн тавофуқномаеро барои таъйини марзҳои дарёӣ имзо карданд, ки Ҳизбуллоҳ онро пирӯзии бузург барои давлат, мардум ва муқовимати Лубнон донист.
Дар ин миён, фиристодаи Амрико умедвор аст кореро, ки Энтони Блинкен, вазири хориҷаи кишвараш натавонист дар 8 сафари худ ба минтақа анҷом диҳад, бо муваффақият ба поён бирасонад.
Ҳарчанд Натаняҳу барои ҳифзи бақоёи давлати шикананда ва ифротии худ ба ташдиди ҷанг дар Лубнон ниёз дорад то аз он барои фарофикании буҳронҳои дохилии худ истифода кунад, аммо хеле аз маҳофили саҳюнистӣ аз авоқиби вуруд ба ҷанги заминӣ бо Ҳизбуллоҳ ҳароснок ҳастанд ва ба шиддат дар бораи авоқиби он нигарон ҳастанд.
Исҳоқ Брик, генерали бознишастаи артиши Исроил дар сухноне ҳар гуна ҳамлаи низомӣ ба Лубнонро «девонагӣ» тавсиф кард ва гуфт, «ҳар гуна тасмими Натаняҳу барои ҳамла ба Ҳизбуллоҳ як Ҳолокост барои Исроил ба ҳамроҳ хоҳад дошт. Зеро Исроил акнӯн наметавонад мӯшакҳои Ҳизбуллоҳ ва паҳподҳои Ҳизбуллоҳро мутаваққиф кунад. Ҳол дар сӯрати оғози ҷанги минтақаӣ ва шиллики ҳар рӯза на даҳҳо, ки ҳазорон мӯшак ба самти мо чӣ иттифоқе хоҳад афтод?».
Шауль Амстердам Кей(Shaul Amsterdam Kay), таҳлилгари умӯри иқтисодӣ дар шабакаи «Кан», дар хусӯси нигарониҳо аз таъсири густариши ҷанг байни Исроилу Ҳизбуллоҳ бар шабакаи барқ ва мухтал шудани зиндагии рӯзмарра гуфт: «Исроилиҳо бояд бидонанд, ҷанги комилу густарда бо Ҳизбуллоҳ дар шимол баҳои бисёр газофе хоҳад дошт ва ин амр танҳо маҳдӯд ба бахши низомӣ нест, балки иқтисоду санъати барқ низ аз ин ҷанг таъсири ғайриқобили инкоре хоҳад пазируфт, бинобар ин, бояд тавоноии Исроил барои идомаи ҷанг дар баробари Ҳизбуллоҳ баррасӣ шавад».
Маркази мутолиоти исроилии «Олмо» ҳам ба сарони ин режим ҳушдор дод, ки ба ҳеҷ унвон дар пайи ҷанг бо неруҳои Ҳизбуллоҳи Лубнон дар шимоли Фаластини ишғолӣ набошанд. Тибқи гузориши Олмо дар сӯрати вуқуъи ҷанг дар шимол, Ҳизбуллоҳ қодир хоҳад буд дастикам дар 10 рӯзи нахусти ҷанг, рӯзона беш аз се ҳазор мӯшак ба самти Исроил шиллик кунад.
Бар ин асос ба эътиқоди нозирони ҷангӣ ба муқовимати Лубнон таҳмил шавад бузургтарину хатарноктарин ҳамоқате хоҳад буд, ки Исроил муртакиб мешавад, зеро муқовимати исломӣ дар Лубнон ба раҳбарии Ҳизбуллоҳ, душмани саҳюнистиро фарсӯда ва хаста карда, шаҳракҳои ин режимро дар шимол ба оташ кашида, пойгоҳҳои низомии артиши ишғолгарро нобуд карда ва 200 ҳазор шаҳракнишини саҳюнистро аз шимоли арозии ишғолӣ, фирорӣ додааст. Аз тарафи дигар шуълавар шудани оташи ҷанг дар шимоли арозии ишғолӣ ба маънои пайвастани ҳамаи ҷабҳаҳои муқовимат ба ин ҷанг хоҳад буду муқовимати Лубнон дар чунин ҷангӣ танҳо намемонад.