Ҳимояти Амрико аз режими саҳюнистӣ дар наслкушии мардуми Ғазза ба бузургтарин ҷунбиши донишҷӯӣ сабаб шудааст. Донишҷӯёне, ки соли 2020 дар пирӯзии Байден таъсири чашмгире доштанд, барои интихоботи 2024 по пас кашидаанд.
Эътирозҳои донишҷӯӣ дар донишгоҳҳои саросари Амрико ҳамчунон идома дорад ва ба рағми бархурди хушунатомези полиси Амрико ва боздошти беш аз 2 ҳазор донишҷӯ, донишҷӯён эълон кардаанд то замоне, ки оташбас дар Ғазза барқарор нашавад, ба эътирози худ идома хоҳанд дод.
Эътирозоти донишҷӯӣ дар Амрико дар остонаи интихоботи президентӣ
Интихоботи президентии 2024 Амрико дар ҳоле ҳудуди 6 моҳи дигар (ноябр) баргузор хоҳад шуд ва Ҷо Байден гузинаи аслии Ҳизби демократ аст, ки илова бар ҷиноятҳои ҳафт моҳа дар навори Ғазза, ҷунбиши донишҷӯӣ низ бар сипеҳри сиёсии Иёлоти Муттаҳида соя афкандааст. Ба тозагӣ пойгоҳи хабарии Аксиюс бо ишора ба аавҷгирии эътирозҳои донишҷӯӣ дар Амрико, ин вазъиятро бар интихоботи президентии 2024 ин кишвар асаргузор дониста ва истидлол карда, ки ҳамин масъала сабаби ваҳшати демократҳо шудааст. Ба навиштаи ин пойгоҳи хабарии амрикоиӣ, ҳамзамон бо авҷ гирифтани эътирозҳои ҳомиёни Фаластин дар донишгоҳҳои Амрико, нигаронии демократҳои Маҷлиси намояндагон ва Сано рӯ ба афзоиш аст.
Аксиус дар ин матлаб изъон мекунад: эътирози гурӯҳҳои донишҷӯии ҳомии Фаластин ба як пӯёии сиёсӣ доман зада, ки пас аз ҳамлаи ҳафтуми октябри Ҳамос оғоз шуд ва дар остонаи баргузории интихоботи президентии 2024 Амрико метавонад бар натиҷаи он асаргузор бошад. Яке аз демократҳои Маҷлиси намояндагони Амрико дар ҳамин замина ба Аксиус гуфтааст, ки «ҳарчи эътирозҳо бештар идома пайдо кунад, вазъият барои интихобот ҳам бадтар мешавад».
Дигар расонаҳои амрикоӣ низ дар ин замина ба тайфи сиёсии ҳоким ва шахси раисҷумҳур ҳамвора ҳушдор медиҳанд. Рӯзномаи Гордияни Англис чаҳоршанбе ҳафтаи гузашта навишт: коршиносон ҳушдор додаанд, ки сиёсатҳои раисҷумҳурии Иёлоти Муттаҳида ва демократҳо дар қиболи Исроил, ки эътирози ҳазорон донишҷӯ дар саросари Амрикоро барангехтааст, метавонад бар раъйи ҷавонон ба Ҷо Байден таъсир гузошта ва ба шонси интихоби муҷаддади вай осеб бизанад.
Ҷонотон Зимрмен, устоди донишгоҳи Пинсилвония дар ин замина таъкид кардааст: «таҳдиди воқеӣ барои Байден ин аст, ки раъйдиҳандагони ҷавонтар ба вижа раъйдиҳандагони таҳсилкардаи донишгоҳӣ, дар интихобот ҳузур пайдо накунанд.»
Ин хатар замоне ҷиддитар ба назар мерасад, ки ҳатто «коллеҷи демократҳои Амрико» (CDA), ки як созмони миёнарав ва ҳомии Байден аст, рӯзи сешанбеи гузашта аз ҳизби худ интиқод ва дар баёнияе эълон кард, ки ҳар рӯзе, ки демократҳо натавонанд дар иттиҳод бо ҳам аз оташбаси доимӣ дар ҷанги Ғазза, роҳи ҳалли «ду давлатӣ» ва ба расмият шинохтани кишвари мустақилли Фаластин ҳимоят кунанд, ҷавонони бештаре аз ин ҳизб маъюсу ноумед мешаванд.
Дар бахше аз ин баёния ба нақл аз намояндагони донишҷӯён дар Ҳизби демократи Амрико омадааст: мо ба унвони раъйдиҳандагони ҷавон ҳамагӣ огоҳ ҳастем, ки интихоботи ноябр дар пеш аст ва раъйҳои мо дар инки чӣ касе ба Кохи сафед роҳ меёбад, таъйинкунанда хоҳад буд. Кохи сафед дар роҳбурди ҳимоят аз Бенёмин Нетаняҳу, нахуст вазири (режими) Исроил ва бетафовутӣ нисбат ба ҷойгоҳи худ ва хостаи ҳамаи амрикоиҳое, ки ба думболи поён додан ба ин ҷанг ҳастанд, иштибоҳ кардааст.
Бинобарин аз нигоҳи нозирон, хашми раъйдиҳандагони амрикоӣ аз Байден ба далели ҳимоят аз режими саҳюнистӣ ва мудирияти заифу мурдаи ӯ дар қиболи оташбас ва куштори ғайринизомиёни фаластинӣ мумкин аст ба шикасти сиёсии Ҳизби демократ дар интихоботи 2024 раёсатҷумҳурии Амрико биянҷомад.
Мардуми Амрико мӯътақиданд, ки давлати Байден бо вуҷуди эътирозҳои донишҷӯӣ ва мардумии камсобиқа дар маҳкумияти ҳамлаҳои режими саҳюнистӣ алайҳи Ғазза ва норизоятии онҳо аз тахсиси будҷаи ҳангфти молӣ ва таслиҳотӣ ба нафъи ин режим, садои раъйдиҳандагон ва молиётдиҳандагони амрикоиро нашунида ва ризояти нуфузҳои саҳюнистиро бар ризояти мардуми худ тарҷеҳ медиҳад.
Бинобарин дар чанд қадамии интихобот, ҷавонони амрикоӣ аз Байден дур шудаанд. маҳбубияти Байден дар миёни ҷавонони ин кишвар дар ҳоли коҳиш аст ва ин масъала метавонад занги хатаре барои ин сиёсатмадори демократ дар интихоботи 2024 раёсатҷумҳурии Иёлоти Муттаҳида бошад.
Ҳамчунин назарсанҷии ҷавонони Ҳорворд, ки байни 20 ҳазор ҷавони 18 то 29 сола анҷом шудааст, нишон дод, ки ҳимоят аз Байден дар миёни ҷавонон дар ҳоли резиш аст. Назарсанҷии ахири донишгоҳи Софулк, ки дар январ нашр шуд ҳам нишон медод, ки дар миёни раъйдиҳандагони зери 35 сол, Трамп пештоз аст.
Мусулмонон ва арабтаборҳои амрикоӣ аз Байден интиқом мегиранд?
Танҳо донишҷӯён ва ҷавонони амрикоӣ нестанд, ки аз Байден ва демократҳо рӯй баргардондаанд, мусулмонон ва амрикоиҳои арабтабор низ дар интихоботи пеш рӯ аз раисҷумҳуре, ки чаҳор сол пеш бо раъйи онон вориди Кохи сафед шуда буд, интиқом хоҳанд гирифт.
Амрикоиҳои арабтабор ва мусулмон мегӯянд, ки Байденро муҷозот хоҳанд кард ҳатто агар ба қимати шикасти демократҳо дар интихоботи президентӣ бошад. Ҳудуди 4.5 миллион мусулмони амрикоӣ вуҷуд доранд, ки беш аз 1 дарсад аз ҷамъияти Иёлоти Муттаҳидаро ташкил медиҳанд. Раъйҳои раъайдиҳандагони арабтабор тафовути чашмгиреро дар рақобати танготанги 2020 эҷод кард.
Дар интихоботи он сол, Байден бо 154 ҳазор раъй дар Мешигон аз Трамп пешӣ гирифт; Раъйе, ки умдатан ба ҷомеаи амрикоиҳои арабтабор, ки панҷ дарсади раъйҳоро ба худ ихтисос дода буданд, тааллуқ дошт. Мешигон хонаи ҳудуди 240 ҳазор амрикоии арабтабор аст. Дар Ҷурҷиё Байден бо камтар аз 12 ҳазор раъй пирӯз шуд. Дар он иёлат беш аз 57 ҳазор амрикоии арабтабор зиндагӣ мекунанд.
Бо ин вуҷуд, афзоиши норизоятӣ дар он ҷавомеъ ба ин маъно аст, ки барои аввалин бор дар 26 соли гузаштаи ҳизби демократ дигар гузинаи муносибе барои бисёре аз раъйдиҳандагони арабтабор чӣ масеҳӣ ва чӣ мусулмон нест. Мизони маҳбубияти Байден дар миёни амрикоиҳои арабтабор аз 59 дарсад дар соли 2020 ба 17 дарсад дар соли 2023 расид, ки албатта ҳамин мизон низ дар соли 2024 бо тадовум ва ташдиди наслкушӣ дар Ғазза ва шаклгирии ҷунбиши донишҷӯии ҷорӣ коҳиши чашмгире доштааст.
Бинобарин ҳудуди 70 дарсади мусулмонони амрикоӣ дар соли 2020 дар муқобили Трамп ба Байден раъй дода буданд ва бар асоси гузориши Шӯрои равобити амрикоӣ-исломӣ ҳудуди 2 миллион мусулмон дар ҳоли ҳозир барои раъй додан дар интихоботи 2024 сабти ном кардаанд, ки бетардид Байден гузинаи мавриди назари онҳо нахоҳад буд. Чанд моҳи пеш Илҳон Умар, намояндаи демократи иёлати Минҳсутои Амрико ба раисҷумҳури ин кишвар ҳушдор дод, ки интихоби муҷаддади вай дар рақобатҳои раёсатҷумҳурӣ, дар сояи нодида гирифтани хостаҳои ҷавонон ва мусулмонони «дилшикаста» ба мушкил хоҳад хӯрд.