Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Ҳиндустон Нарендра Модӣ барқияи табрикӣ ирсол намуданд, ки дар он омадааст:
«Ҷаноби Олӣ,
Бо камоли сарфарозӣ Шуморо ба муносибати интихоботи муваффақи сартосарии парлумонӣ дар кишвар ва аз нав интихоб гаридиданатон ба маснади олии Сарвазири Ҷумҳурии Ҳиндустон сидқан табрику таҳният мегӯям.
Натиҷаҳои ин чорабинии муҳимми сиёсӣ боз як нишонаи равшани ба таври васеъ дастгирӣ ёфтани сиёсати давлатии Шумо аз ҷониби ҷомеаи Ҳиндустон мебошад, ки асосан ба татбиқи пайвастаи ҳадафҳои наҷибонаи расидани кишваратон ба мақоми пешоҳангӣ дар самти рушди устувори иқтисодиву иҷтимоӣ нигаронда шудааст.
Он ҳам боиси таҳсин аст, ки Ҷумҳурии Ҳиндустон таҳти роҳбарии Шумо мақому манзалати худро дар арсаи байналмилалӣ пайгирона таҳким бахшида, имрӯзҳо дар ҳалли масъалаҳои умдаи глобалӣ нақши бориз дорад.
Итминон дорам, ки мо дар оянда низ бо талошҳои муштарак робитаҳои дӯстӣ ва ҳамкории гуногунарсаи Тоҷикистону Ҳиндустонро дар асоси усулҳои ҳусни тафоҳум, эътимод ва эҳтироми ҳамдигарӣ густариш дода, мутобиқ ба манфиатҳои аслии мардумонамон бо мазмуну муҳтавои нави амалӣ боз ҳам ғанӣ хоҳем гардонид.
Ба манзури пешбурди шарикии кишварҳоямон дар ҳамаи соҳаҳои мавриди таваҷҷуҳи тарафайн омодагии инҷонибро ҷиҳати идомаи муколамаи созандаи байнидавлатии ҷонибҳо дар ҳамаи сатҳҳо иброз менамоям.
Ба Шумо, Ҷаноби Олӣ, саломатии бардавому саодатмандӣ ва комёбиҳои навин, ба мардуми дӯсти Ҳиндустон сулҳу суботи пойдор ва рифоҳу шукуфоии рӯзафзун орзумандам».
Мақомоти гумруки кишвар тайи моҳҳои январ – июни соли 2023 вуруди беш аз 7,7 ҳазор тонна ба маблағи 30 млн долларро сабт кардааст.
Ба иттилои мақомоти зиддиинҳисорӣ, воридоти доруворӣ нисбати ҳамин давраи соли гузашта ҳаҷми воридот 2 ҳазор тонна ва ё 35% зиёд мебошад.
Дар давоми моҳҳои январ – июни соли равон ба Тоҷикистон маводи доруворӣ аз зиёда аз 50 кишвари хориҷи дуру наздик ворид карда шудааст.
Дар иттилоия омадааст: “Аз ҳаҷми умумии маводи дорувории дар моҳҳои январ – июни соли 2023 воридкардашуда беш аз 5,5 ҳазор тон ба маблағи 20,5 млн доллар аз давлатҳои хориҷи дур ва боқимонда аз кишварҳои хориҷи наздик ворид гардидааст”.
Таҳлили маълумоти гумрукӣ нишон медиҳад, ки аз маҷмӯи маводи доруворӣ дар моҳҳои январ – июни соли 2023 ба Тоҷикистон аз 51 давлатҳои хориҷи дуру наздик воридгардидаанд.
Аз ҳама зиёд ҳудуди 38% доруворӣ ба Тоҷикистон аз Ҳиндустон ворид гардида, ҳиссаи Русия дар ин бахш ба 25% баробар шудааст.
Ҳамчунин ҳудуди 7% ба Литва, ҳудуди 5,5% ба ҷумҳурии мардумии Чин, наздики 4% ба Украина, наздики 3% ба ҷумҳурии Олмон, ҳудуди 2,5% ба Ҷумҳурии Туркия, ҳудуди 2%-ӣ ба Покистону Гурҷистон ва наздики 11%-и боқимонда ба 42 давлати дигар рост меояд.