Ба шиддат мухолифи мавозеи ӯ ҳастам, ки метавонад хатари шадид барои Фаронса эҷод кунад» ин изҳоротро сиёсатмадори фаронсавӣ Марин Ле Пен, дар вокуниш ба мавозеи ахири раисҷумҳур Фаронса Эммануэл Макрон дар қиболи Украина баён кард.
Кондидои се давраи риёсатҷумҳурии Фаронса гуфт, ки изҳороти ахири Эммануэл Макрон дар мавриди эъзоми мураббиёни НАТО ба Украина ва иҷоза ба Киев барои истифода аз силоҳҳои ғарбӣ дар ҳамла ба аҳдофи хоссе дар Русия, хатари табдили даргирии феълӣ ба ҷанги ҷаҳонии баъдиро дорад.
Баъд аз чароғи сабзи Амрико ба Украина барои ҳамла ба хоки Русия бо истифода аз силоҳҳои ғарбӣ, чанд узви НАТО гуфтаанд, ки аз ин иқдом ҳимоят мекунанд; Аммо Италия ҳушдор дода, ки чунин иқдоме ба маънии ҷанг бо Русия аст. Мақомоти рус хашми худро аз эҳтимоли истифода аз ҷангандаҳои Ф-16 бар фарози қаламрави Русия ошкор кардаанд.
Сергей Лавров вазири умури хориҷаи Русия ҳушдор дод аз онҷо, ки Ф-16 дар маъмуриятҳои муштараки ҳастаии НАТО мавриди истифода қарор мегирифта, ирсоли онҳо ба Киев, сигнали амдии НАТО дар мавриди силоҳҳои ҳастаӣ талаққӣ мешавад.