Ба гузориши ТоҷикПресс, донишгоҳи Ал-азҳари Миср тайи баёнияе аз тасмими се кишвари аврупое Норвегия, Ирландия ва Испания барои ба расмият шинохтани кишвари Фаластин қадрдонӣ кард.
Ал-азҳар дар ин баёния овардааст, ки ба расмият шинохтани кишвари Фаластини иқдоми далерона аст, ки ҳаққонияти миллати Фаластинро ба унвони соҳибони аслии ин сарзамин барои зиндагии ҳамроҳ бо сулҳу оромиш дар он ба расмият мешиносад ва илова бар он ба расмият шинохтан ҳаққи қонунии миллати Фаластин барои истиқлолу озодӣ ва доштани зиндагӣ дар амният дар сарзамини худ ба монанди дигар миллатҳо аст.
Ду рӯз пеш, Майкл Мартин, вазири хориҷаи Ирландия эълом кард: Замоне ки мо як кишварро ба расмият мешиносем, мо онро ба лиҳози як ҷамъияти доимӣ ва марзҳои мушаххас ба расмият мешиносем ва дар ин маврид бар асоси марзҳои 1967 аст.
Вазири умури хориҷаи Ирландия дар гуфтугӯ бо Ал-ҷазира таъкид кард, ки мо ба далоиле аз ҷумла ҳимоят аз роҳи ҳалли ду кишвар, тасмим гирифтем, ки кишвари Фаластинро ба расмият бишиносем.
Майкл Мартин таъкид кард, ки бояд музокироти сиёсӣ оғоз шавад ва ҳама бояд барои ироаи роҳи ҳилле барои поёни ҷанг дар Ғазза талош кунанд.
Мартин гуфт ба расмият шинохтани кишвари Фаластини амри муҳимме буд ба вижа ин ки давлати Нетаняҳу дар масири нобудии роҳи ҳалли ду кишвар гом бардоштааст.
Се кишвари аврупоӣ Фаластинро ҳамчун давлат эътироф карданд
Вазорати корҳои хориҷии Фаластин аз кишварҳои дигар хост, то аз Испания, Норвегия ва Ирландия пайравӣ кунанд ва давлаташонро эътироф кунанд.
Ба гузориши ТоҷикПресс ба нақл аз Спутник, Вазорати корҳои хориҷии Фаластин аз тасмими Испания, Норвегия ва Ирландия дар бораи ба расмият шинохтани давлати Фаластин истиқбол кард ва онро “иқдоми муҳим” номид.
Ин ниҳод аз дигар давлатҳо даъват кард, ки аз ин се давлат сабақ гиранд ва Фаластинро эътироф кунанд, гуфта мешавад дар изҳороте, ки дар саҳифаи ин департамент дар шабакаи иҷтимоӣ нашр шудааст.
Ҳукумати Норвегия рӯзи чаҳоршанбе гуфт, ки Фаластинро ба унвони як давлат эътироф мекунад. Эътирофоти расмӣ аз 28 май эътибор пайдо мекунад.
Худи ҳамон рӯз сарвазири Ирландия Саймон Ҳаррис эълон кард, ки ин кишвар Фаластинро ҳамчун давлат эътироф мекунад. Сарвазири Испания Педро Санчес дар навбати худ гуфт, ки ҳукумати ин кишвар рӯзи сешанбеи 28 май давлати Фаластинро расман ба расмият шинохт.
Дар изҳороти Вазорати корҳои хориҷии Фаластин омадааст: “ВКХ Фаластин аз тасмими Испания, Норвеж ва Ирландия дар бораи ба расмият шинохтани давлати Фаластин истиқбол мекунад… Дар ин робита вазорат бори дигар аз тамоми давлатҳое, ки то ҳол давлати Фаластинро ба расмият нашинохтаанд, даъват мекунад, ки дар роҳи эътирофи (он) қадам гузоранд”.
Зимнан, пас аз изҳороти кишварҳои аврупоӣ, вазири умури хориҷии Исроил дастур дод, ки сафирони Ирландия ва Норвеж барои машваратҳо фавран бозхонд шаванд.
Ӯ гуфт, қарор дар бораи ба расмият шинохтани Фаластин метавонад ба “оқибатҳои вахим” оварда расонад.
То кунун Фаластинро 9 кишвари узви Иттиҳодияи Аврупо ба расмият мешинохтанд. Ҳашт кишвар – Булғористон, Кипр, Ҷумҳурии Чех, Маҷористон, Малта, Полша, Руминия ва Словакия – соли 1988, пеш аз пайвастан ба Иттиҳодияи Аврупо ва Шветсия дар соли 2014 ин иқдомро гирифта буданд.