Рақобати сиёсӣ миёни Трамп ва Байден, раисҷумҳурҳои пешину феълии Иёлоти Муттаҳидаи Амрико дар ноябри 2020, ҳашт моҳи дигар такрор хоҳад шуд.
Демократҳо ва ҷумҳурихоҳони Иёлоти Муттаҳидаи Амрико расман номзадии “Ҷо Байден” ва “Доналд Трамп” барои интихоботи раёсати ҷумҳурии соли 2024-ро эълон карданд. Ба ин тартиб, агар иттифоқи пешбининашудае рӯй надиҳад, рақобати сиёсӣ миёни раисҷумҳури пешин ва феълии Иёлоти Муттаҳидаи Амрико дар ноябри 2020, ҳашт моҳи дигар такрор хоҳад шуд.
Танҳо нигоҳе ба назарсанҷиҳое, ки дар ҳафтаи гузашта нашр шудаанд, нишон медиҳад, ки Трамп аз вазъияти беҳтаре нисбат ба Байден бархурдор аст. Назарсанҷиҳои Нию-йорк таймз, CBC, Факсниюз, Вал стрейт журнал ҳамагӣ бо ихтилофе байни 2 то 4 дарсад пирӯзӣ дар интихоботи ноябрро аз они Трамп медонанд.
Дар ҳоли ҳозир натоиҷи назарсанҷиҳо ба гунае аст, ки пирӯзии Трамп муқобили Байден дар интихоботи раёсатҷумҳурӣ масъалаи қатъӣ дониста мешавад. Ӯ ба таври мутавассит дар назарсанҷиҳои миллӣ бо 2 дарсад ихтилоф аз Байден ҷилватр аст ва албатта нуктаи муҳимтар онки дар назарсанҷиҳое дар чанд иёлати хокистарӣ аз ҷумла Орезуно, Наводо, Мишигон, Корулинои шимолӣ ва Ҷорҷиё амалкарди беҳтаре нисбат ба рақибаш сабт кардааст.
Бо вуҷуди ин, нигоҳе ба бархе аз воқеиятҳо нишон медиҳад, ки ҳамаи инҳо ба маънои он нест, ки пирӯзии Трамп дар баробари Байден масъалаи мусаллам ва қатъӣ аст ва Ӯ ҳанӯз ҳам бо чолишҳои пуршуморе барои интихоботи ноябр мувоҷеҳ хоҳад буд.
Нахустин мушкиле, ки пеши рӯи Трамп қарор дорад, ин аст, ки Ӯ дар миёни раъйдиҳандагони ҷумҳурихоҳ ва мустақил бо муқовимати бештаре аз сӯи раъйдиҳандагон рӯбарӯ аст, то вазъияте, ки Байден дар миёни раъйдиҳандагон ҳизби демократ ва мустақилҳо дорад.
Ин масъала ба вижа дар як назарсанҷие, ке чанде пеш пойгоҳи “NBC” нашр кард, намоён буд. Дар ин назарсанҷие, ки дар моҳи январ анҷом шуд, 43 дарсад аз ҳаводорони Неки Ҳейлӣ», рақиби вақти Трамп дар ҳизби ҷумҳурихоҳ гуфта буданд дар рақобат байни Байден ва Трамп, номзади ҳизби демократро тарҷеҳ меٰдиҳанд.
Дар интихоботи ноябр, Доналд Трамп ба унвони кондиде, ки барои аввалин бор вориди арсаи интихобот шуда, ба масофи Ҷо Байден намеравад ва пушти Ӯ як корномаи амалкарди 4 сола қарор дорад. Дар воқеъ ин бор раъйдиҳандагон бояд аз миёни ду гузинае, ки аз мизони мақбулияти аввалияи онҳо ба далели заъфҳои амалкардияшон коста шуда, як нафарро интихоб кунанд.
Ҷо Байден бо корномаи заифи 4 сола номҳбубтарин раисҷумҳури таърихи Амрико лақаб гирифта ва дар даврони ҳузураш дар Кохи сафед низ амалан тамоми сиёсатҳои Трампро ба вижа дар заминаи сиёсати хориҷӣ дар пеш гирифта ва идома додааст. Бо вуҷуди ин, ба назар мерасад Трамп барои ҷалби назари дубораи раъйдиҳандгоне, ки аз худаш рондааст, кори душвортаре нисбат ба рақибш дар ҳизби демократ пеши рӯ хоҳад дошт.
Ин масъала дар назарсанҷиҳои расонаҳоии Амрико низ мавриди таъйид қарор гирифтааст. Ба унвони мисол рӯзномаи Нию-Йорк Тоймз ва Коллеҷи Сино дар як назарсанҷии муштарак чанде пеш гузориш дода буданд, ки мизони ҳимоят аз Байден дар миёни демократҳо ва раъйдиҳандагони мустақилли мутамоил ба демократҳо (91 дарсад) андаке бештар аз мизони ҳимояти ҷумҳурихоҳон ва мустақилҳои моил ба ҷумҳурихоҳон аз Трамп (86) дарсад аст.
Рақами ҳимояти 86 дарсадии ҷумҳурихоҳон аз Трамп албатта рақами болое барои ин аст, ки Ӯ битавонад як бори дигар муҷаввизи вуруд ба Кохи сафедро дар моҳи ноябр касб кунад, аммо дар як интихобот бо рақобати наздик ва танотанг ҳамин ихтилофи андак мумкин аст вазнаро ба самти номзади демократҳо тағйир бидиҳад.
Трамп дар ҳоли ҳозир бо беш аз 90 иттиҳом дар чаҳор парвандаи қазоии федерал ва садҳо миллион доллар ҷарима рӯбарӯ аст ва илова бар он, ҳаводоронашро барои ҳамла ба сохтмони Конгрес дар 6-и январи соли 2021 маҳкум накардааст. Ҳамаи ин маворид мумкин аст ба раъйдиҳандагони мустақил ва ҳамчунин раъйдиҳандагони мураддад далелҳои кофӣ барои ҷилавгирӣ аз вуруди муҷаддади Ӯ ба Кохи сафедро бидиҳад.
Албатта пурвозеҳ аст, ки мушкили адами маҳбубият дар миёни раъйдиҳандагони ҳизби худӣ вижаи Трамп нест. Ҳамонтувр, ки қаблан ҳам гуфта шуд, амалкарди Байден низ норизоятии бахше аз ҳаводорони ҳизби демократро ба думбол доштааст.
Инки ин гурӯҳ аз раъйдиҳандагони норозӣ дар ҳар ҳизб то чӣ андоза дар таъйини раисҷумҳури оянда асаргузор хоҳанд буд, саволе аст, ки посухи он дар моҳҳои пеши рӯ равшантар хоҳад шуд, аммо дастикам акнун нишонаҳое вуҷуд дорад, ки вазъияти Трамп дар миёни ин гурӯҳ андаке бадтар аз Байден аст.
Масъалаи дигар дар бораи назарсанҷиҳои анҷомшуда байни Трамп ва Байден ин аст, ки бартарии Трамп бар Байден дар тақрибан тамомии ин назарсанҷиҳо дар “ҳошияи хато” қарор дорад ва ба андозае нест, ки битавон рӯи он фаротар аз эҳтимоли хатоҳои роиҷ дар паймоишҳо ҳисоб боз кард. Ҳар чанд, ки фаровонии пирӯзиҳои Трамп дар назарсанҷиҳои ширкатҳои мутааддид ҳам қобили нодида гирифтан нест.
Аз тараф дигар, назарсанҷиҳо ҳатто дар ҳолате, ки дақиқ бошанд шохисе барои пешбинии раъйҳои мардумӣ ҳастанд ва медонем, ки дар интихоботи Амрико лузуман раъйҳои мардумӣ таъйинкунандаи раисҷумҳур нест. Дар Амрико раъйдиҳандаҳо ба таври мустақим раисҷумҳурро интихоб намекунанд. Дар иваз системаи коллеҷ электрол сарнавишти интихоботи Иёлоти Муттаҳидаи Амрикоро мушаххас мекунад ва барандаи он бар барандаи аксарияти раъйҳои мардумӣ ғалаба мекунад. Дар чандин интихобот то кунун (аз ҷумла дар соли 2016) як номзади сиёсӣ ба рағми касби раъйҳои болотар пирӯз нашудааст. Назарсанҷиҳо маъмулан назари мардумро пешбинӣ мекунанд, на назари Колеҷи Элктролро.
Ҷудо аз ин авомил, назарсанҷиҳо дар арсаҳои замонии наздик ба баргузории интихобот пешбиникунандаҳои қавитаре ҳастанд, то назарсанҷиҳое, ки аз моҳҳо қаблтар анҷом мешаванд. Назари раъйдиҳандагон ағлаб бо наздик шудан ба мавъиди раъйгирии таҳти таъсири таҳаввулоти перомун ҳар як аз номзадҳо тағйир пайдо мекунад.
Бинобарин, натоиҷи назарсанҷиҳои феълӣ, ҳатто агар дақиқ бошанд, фазои фикрии ин рӯзҳои раъйдиҳандагонро мунъакис мекунанд ва барои мушаххас шудани инки раъйҳо ба самти кадом номзад мутамоил хоҳад шуд, бояд ҳанӯз мунтазир монд.