Ба гузориши манобеи хабарӣ, “Алексей Арстович” аз мушовирони собиқи “Владимир Зеленский” раисҷумҳури Украина гуфт даргирӣ байни Русия ва Украина мумкин аст беш аз як даҳа идома ёбад ва пешбинӣ кард ду ҳамсоя баид аст ихтилофот байни якдигарро ба зудӣ ҳал кунанд.
Ба гузориши шабакаи русии “Роша Тудей”, вай дар мусоҳибае ба таърихи 17 сентябр, ки дар канали Ютуби вай мунташир шуд, гуфт «мутмаиннан (ҷанг дар Украина) то 2035 идома хоҳад ёфт». Ба иддаои ин мақоми собиқи украинӣ, Русия ба думболи шакли ҷадиде аз империя аст, ки ҳаргиз бидуни Украина вуҷуд нахоҳад дошт.
Ӯ дар идома манзури худро интавр баён кард, ки «марҳалаи ҳодди бунбаст то 2035 идома хоҳад ёфт» аммо истидлол кард бунбаст мумкин аст лузуман низомӣ набошад ва тавзеҳ дод «ду тараф мумкин аст ба оташбас даст ёбанд ё ба таври куллӣ ба хусуматҳо поён диҳанд, аммо даргирӣ дар ҷабҳаҳои дипломатик, иттилоотӣ ва иқтисодӣ идома хоҳад ёфт».
“Сергей Лавров” вазири умури хориҷаи Федератсияи Русия шомгоҳи шанбе тайи нишасти хабарие баъд аз суханронӣ дар маҷмаъи умумии Созмони Милали Муттаҳид гуфт Русия омодаи музокирааст, аммо пешниҳодҳои оташбасро дар назар нахоҳад гирифт. Вай дар инбора тавзеҳ дод: «мо ҳеҷ пешниҳоде барои оташбасро баррасӣ нахоҳем кард, зеро вақте бори қабл онро баррасӣ кардем, шумо моро фиреб додед. Аммо ба сурати куллӣ омодаи музокира ҳастем».
Пеш аз он, раисҷумҳури Украина гуфта буд артиши ин кишвар бояд барои як набарди тӯлонӣ бо артиши Русия омода бошад ва музокира бо Русия барои барқарории сулҳро мунтафӣ донист.
Владимир Зеленский, ки дар даврони риёсатҷмҳурии худ 20 дарсад аз хоки кишварашро дар муқобили Русия аз даст дода, дар тавҷеҳи раванди кунди зидди ҳамалоти кишвараш алайҳи артиши Русия гуфт: «пирӯзӣ фардо ё пасфардо ба даст намеояд, аммо дар айни ҳол як орзӯи афсонавӣ нест. Украина шоистаи пирӯзӣ аст ва Ғарб бояд аз он ҳимоят кунад. Артиши Русия дар ҳоли аз даст додани афроди зиёд ва дар ҳоли истиқрори муҷаддади неруҳои захираи худ аст то пешравиҳои Украинаро мутаваққиф кунад ва ин ба мафҳуми он аст, ки онҳо шикаст мехӯранд».
Вай дар хусуси чашмандози сулҳ миёни Украина ва Русия гуфт: «ҷанг то замоне ки Русия дар қаламрави Украина боқӣ бимонад, идома хоҳад дошт. Тавофуқ аз роҳи музокира, доимӣ нахоҳад буд. Ҳадафи раисҷумҳур Русия эҳёи иттиҳоди ҷамоҳири Шӯравӣ аст».