Ба гузориши ТоҷикПресс ба нақл аз Спутник, Қимати гази моеъ дар нуқтаҳои фурӯши маводи сӯхти вилояти Суғд боло рафта, ба 4,8 сомонӣ баробар гардидааст.
Ба иттилои ронандагон дар шимоли кишвар, охири ҳафтаи гузашта нархи як лити гази моеъ 50 дирам камтар, баробар ба 4,3 сомонӣ буд.
Дар зимн дар шаҳри Хуҷанд як литр бензини навъи АИ-92 ба ивази 9,8 сомонӣ фурӯхта мешавад, ки қаблан 9,6 сомонӣ буд.
Арзиши бензини навъи АИ-95, ки пештар 10 сомонӣ барои як литр буд, акнун ба 10,2 сомонӣ баробар шудааст.
Маврид ба зикр аст, ки дар Тоҷикистон бисёри ронандагон ба далели гарон будани нархи бензин дар мошинашон дастгоҳҳои гази моеъро насб намудаанд.
Ахиран Хадамоти зиддиинҳисории Тоҷикистон дар ҷамъбасти фаъолияти шашмоҳ гуфт, нархи миёнаи воридотии ҳар тонна гази моеъ ба Тоҷикистон ба 403 доллар баробар шудааст, ки нисбати соли гузашта арзонтар мебошад
Беш аз 73%-и гази моеъ ба Тоҷикистон дар нимсолаи аввали соли равон аз Қазоқистон ворид гардида, наздики 25%-и дигар ба Русия ва қариби 2% ба Узбекистон рост меояд.
Ҳаҷми умумии гази моеъи воридшуда ба Тоҷикистон дар шашмоҳа ба зиёда аз 169 ҳазор тон баробар шудааст, ки маблағи умумияш беш аз 68 млн доллар ҳисоб шудаст.