Дар озмуни ҳарсолаи кишварҳои узви Иттиҳоди Давлатҳои Мустақил ИДМ беҳтарин донишҷӯён интихоб мешуданд: Донишҷӯи тоҷик низ тавонистааст, ки аз ҳама боло бошад.
Додхудо Шарифзода, магистранти Академияи идоракунии давлатии назди президенти Тоҷикистон барандаи озмуни “Беҳтарин донишҷӯи ИДМ – 2023” гардид.
Ба ҷавони 22-сола аллакай дипломи дараҷаи якум ва нишони сарисинагӣ супурда шудааст.
Маълум аст, ки ҳоло ӯ дар ихтисоси “сиёсат ва идоракунӣ” таҳсил мекунад.
Пас аз хатми таҳсил орзу дорад, ки барои беҳбуди зиндагии ҳамватанон яке аз ноҳияҳоро роҳбарӣ кунад ва иқрор мешавад, ки бо маслиҳати волидонаш донишгоҳро интихоб кардааст.
Ғолиб дар сӯҳбат бо шабакаи телевизионии “МИР 24” эътироф кард:
“Онҳо 15 сол маро интизор шуданд, ман хоҳиши онҳо, орзуи онҳоро рад карда наметавонам. Орзуи онҳо орзуи ман аст”.
Маълум шуд, ки Додхудо соли сеюм аст, ки барои ба мусобиқа дохил шудан талош дошт ва баробари ба даст омадани шонс дарҳол ғолиб омад.
Ректори академия ва роҳбари илмии мавсуф Абдуҳалил Ғафурзода хислатҳои асосии ӯ – матонат ва серталоширо қайд намуда, инчунин эътироф мекунад, ки ӯро ҳамчун муҳаққиқи оянда мебинад.
Вай афзуд:
“Мо фикр мекунем, ки муваффақият дар чаҳорчӯби рӯйдодҳои ИДМ ва дастовардҳои он танҳо ибтидо аст”.
Ҳоло донишҷӯи беҳтарин дар баробари хондан бо ҷавонон кор мекунад, дар пойтахт бисёр фестивалҳо ташкил мекунад ва дар конфронсҳои байналхалқӣ иштирок мекунад.
Ӯ мегӯяд, нақша дорад, ки дар мавзӯъҳои сиёсӣ ё ҳуқуқӣ унвони докторӣ нависам.