Мақомоти Тоҷикистону Узбакистон дар қолаби як видео-конфронс дувумин нишасти коргуруҳи муштарак дар заминаи кишоварзӣ ва санъатиро баргузор карданд.
Дар ин видео-конфронс аз тарафи Тоҷикистон Нигина Анварӣ, муовини вазири кишоварзӣ ва масъулони ин вазорат ва дигар мутахассисон ширкат карданд. Ҳайати Узбакистон ҳам шомили Қаҳрамон Юлдошев, муовини вазири кишоварзӣ ва раиси коргуруҳ ва ҳамчунин мақомоти аршади ин вазорат ва созмонҳо, марказҳо ва ожонсҳои вобаста буд.
Ҳадаф аз баргузории ин видео-конфронс баррасии абъоди авлавиятдори ҳамкориҳои мутақобил аз ҷумла афзоиши тиҷорати маҳсулоти кишоварзӣ байни ду кишвар, ҳамкориҳои мутақобил дар заминаи домпзшкӣ ва домпарварӣ аст.
Ҳамчунин ба иҷрои проекти эҷоди “Боғи дӯстӣ” ва тавсеаи равобит дар заминаи боғбонӣ ва гулхонаҳо таваҷҷӯҳи вижа шуд. Илова бар ин, тарафайн ба тавсеа ва густариши мушорикат дар тавлиди базр ва ҳамкориҳои мутақобил дар заминаи улум ва омӯзиши кишоварзӣ таъкид карданд.
Муовини вазири кишоварзии Узбакистон гуфт: “мо алоқаманд ба содироти пойдор ва баландмуддати маҳсулоти кишоварзии худ ба бозори Тоҷикистон, иҷрои проектҳои сармоягузории авлавиятдори муштарак, тавсеаи улуми кишоварзӣ ва бакоргири роҳи ҳалҳои навоварона дар арсаҳои кишоварзӣ ва санъатӣ ҳастем”.
Вай афзуд: “моил ҳастам ба нишасти ахири сарони кишварҳоямон дар ҳошияи нишасти сарони Созмони Ҳамкории Шангзай дар шаҳри Самарқанд ишора кунам, ки дар чорчӯби он муҳимтарин масоили дастури кори дуҷониба ва минтақаӣ аз ҷумла мавзӯъи кишоварзӣ мавриди баррасӣ қарор гирифт. Равобит байни Узбакистон ва Тоҷикистон ба таври пӯё дар рӯҳи мушорикати стратегӣ дар ҳоли тавсеа аст. Ҳамкории мутақобилан судманди ҳамаи бахшҳои иқтисодро дар бар мегирад”.
Шоёни зикр аст нахустин нишасти ин коргуруҳ дар моҳи апрели соли 2019 дар шаҳри Душанбе баргузор шуд.
Тоҷикистон яке аз муҳимтарин ҳамкорони бозаргонии Узбакистон аст.
Мубодилоти бозаргонии ду кишвар дар соли 2021 дар сатҳи беш аз 400 миллион доллар қарор гирифтааст.
Ҳамакнун дар Узбакистон 24 ширкат ва дар Тоҷикистон низ 9 ширкат бо сармояи сармоягузорони Узбакистон фаъолият мекунанд.
Тоҷикистон истиқлолияти Узбакистонро дар таърихи 6 январи соли 1992 ба расмият шинохта ва дар таърихи 20 октябри соли 1992 равобити дипломатик барқарор кардааст.