Додситони кулли Қазоқистон аз маҳкумияти 717 нафар ба далели ширкат дар эътирозҳои моҳи январи сол ҷорӣ дар ин кишвар хабар дод.
Дар Қазоқистон ба далели ширкат дар эътирозҳои моҳи январи имсол беш аз 700 нафар маҳкум ба зиндон шуданд. Дар баёнияи додситони кулли Қазоқистон дар ин бора омадааст: “талоши додситонҳо бар таъйини сабаб ва ҷузъиёти трагедии моҳи январ, шиносоии созмондеҳандагон ва ширкаткунандагони фаъол дар ҳамалот ва эътирозҳои дастаҷамъӣ мутамаркиз буд.”
Бар асоси натоиҷи расидагӣ ба ин рӯйдодҳо то имрӯз 474 парвандаи кайфарӣ ба бахшҳои қазоӣ ирсол шуда, 717 нафар низ ба далели ширкат дар иғтишҳо, дуздӣ, сирқат, нигаҳдорӣ ва ҳамли силоҳ маҳкум ба зиндон шудаанд.
Эътирозҳое, ки дар моҳи январи имсол дар пайи афзоиши қимати гази моеъ дар шаҳрҳои Октоу ва Жанаузин оғоз шуд ва сипас ба манотиқи дигари Қазоқистон мунтақил шуд ва теъдоди зиёде кушта ва захмӣ бар ҷой гузошт.
Раисҷумҳури Қазоқистон ҳамлаҳо ба таъсисоти идорӣ ва низомӣ ва тасарруфи фурӯшгоҳ ва нигаҳдории ҳавопаймоҳои мусофирбарӣ ва бори хориҷӣ дар ҷараёни ин эътирозҳоро гувоҳ ба омодагӣ ва ҳамоҳангии болои иқдомоти муҳоҷимон хонд ва гуфт, ки Нурсултон бо таҳоҷуми мусаллаҳонаи гурӯҳҳои террористӣ, ки дар хориҷ аз кишвар омӯзиш дидаанд, мувоҷеҳ шудааст.
Тоқаев сипас бо ҳадафи тасбити авзоъ, раёсати Шӯроии амнияти Қазоқистонро ба ӯҳда гирифт ва аз кишварҳои узви Созмони паймони амнияти ҷамъӣ дархости кумаки низомӣ барои анҷоми амалиёти зиддитеррористӣ кард.