Ба гузориши сомонаи вазорати умури хориҷаи Тоҷикистон, дар ин нишаст, ки ба раёсати Саадӣ Каримзода, вазири кишоварзии Тоҷикистон ва Игор Брило, вазири рушди манотиқи рустоии Беларус баргузор гардид, дар бораи сатҳи феалӣ ва дурнамои равобит ду кишвар баҳсу табодул назар шуд.
Ҳамчунин дар ин нишаст роҳҳои тақвияти равобити дуҷониба дар заминаҳои иқтисодӣ ва тиҷорӣ, саноат, кишоварзӣ, сармоягузории муштарак, ҳамлу нақл ва транзит, маориф ва илм ва гардишгарӣ мавриди баррасӣ қарор гирфт.
Дар пайи ин нишаст созишномаи ҳамкорӣ миёни “Амонатбанк”-и Тоҷикистон ва “Бонки Рушд”-и Беларус имзо шуд.
Ин дар ҳоле аст, ки чанде қабл Роман Головченко, нахуствазири Беларус аз коҳиши муомилоти тиҷорӣ бо Тоҷикистон ибрози нигаронӣ карда буд.
Ба гуфтаи вай, се моҳи нахусти соли ҷорӣ арзиши муомилоти тиҷорӣ бо Тоҷикистон 13 миллиону 900 ҳазор доллар будааст, ки дар муқоиса бо давраи мушобеҳи соли қабл 30 дарсад коҳиш доштааст.
Пештар дар хабарҳо омада буд :
Қоҳир Расулзода, нахуствазири Тоҷикистон дар сафари кории худ ба Беларус бо Роман Головченко, нахуствазири ин кишвар мулоқот кард.
Головченко дар ин мулоқоти равобити кишварашро бо Тоҷикистони дӯстона хонд ва гуфт: “Дар симои Тоҷикистон, мо шарики муҳим ва қобили эътимодро мебинем.”
Вай афзоиш тақрибан 3 баробарии гардиши молӣ байни ду кишвар дар соли 2020-ро бисёр муҳим донист ва гуфт: “ин беҳтарин нишондиҳандаи он аст, ки мо на танҳо гуфтугӯ мекунем, балки иқдомоти мушаххасе анҷом медиҳем.”
Расулзода низ дар ин дидор бо ибрози ризоят аз сатҳи равобити Душанбе бо Минск ба муносиботи дӯстона ва бародаронаи сарони ду кишвар ишора кард, ки имкони тавсеъаи муассири равобити дуҷониба дар сутӯҳи мухталиф байни ду кишварро фароҳам мекунад.
Вай гуфт: “Тоҷикистону Беларус барои тавсеъаи тиҷорат аз имконоти азиме бархӯрдор ҳастанд.”
Гуфтанист, ки нахуствазирони кишварҳои ИДМ, аз ҷумла нахуствазири Тоҷикистон дар чорчӯби сафар ба Беларус ҳамчунин бо Александр Лукашенко, раисиҷумҳур ин кишвар мулоқот карданд.