Ба гузориши манобеи хабарӣ, “Владимир Путин”, раиси ҷумҳури Русия рӯзи сешанбе бо “Муҳаммад ибни Зоид”, раиси Аморот телефонӣ гуфтугӯ кард.
Кохи Керемл дар баёнияе эълом кард: Путин дар ин гуфтугӯ бори дигар даргузашти Халифа ибни Зоид, раиси собиқи Аморотро тасалият ва интихоби Муҳаммад ибни Зоид барои ҷонишинии ӯро табрик гуфт.
Дар ин баёния омада аст: аз сатҳи мушорикати роҳбурдӣ байни ду кишвар ибрози хурсанди шуд ва ду тараф тамоюли худро барои идомаи тавсеаи равобити дӯстона байни Русия ва Аморот иброз карданд.
Бар асоси ин баёния ду тараф таваҷҷӯҳи вижа ба масоили ҳамкори дар заминаҳои тиҷорӣ, иқтисодӣ ва сармоя гузорӣ доштанд.
Дар ин баёния овардашуда аст: ду раҳбар бар ҳимояти худ аз идомаи ҳамоҳанги дар мавриди мавзӯъоти фаври дар дастури кори байналамллӣ таъкид карданд ва дар бораи идомаи тамосҳо дар сутӯҳи мухталиф тавофуқ карданд.
Ин дар ҳоле аст, ки як ҳайати баландпояи амрикоӣ шомгоҳи душанбе бо мақомоти Аморот дар Абудабӣ дидор карданд. Ин ҳайат мураккаб аз “Камала Харрис”, муовини раиси ҷумҳур, “Энтони Блинкен”, вазири хориҷа, “Лойд Остин”, вазири дифоъ ва “Вилям Бернс”, раиси созмони Сиёҳ буд.
Хабаргузории Аморот дар бораи ин дидор гуфт, ки вазири хориҷаи Амрико дар рӯзи корӣ бо ҳамтои аморотии худ дар Абудабӣ чашмандози равобити роҳбурдии ду кишвар ва фурсатҳоеро, ки барои рушд ва тавсеаи ҳамкориҳои муштарак дар ҳамаи заминаҳо фароҳам мекунад, мавриди баҳс ва барраси қарор дод.
Ду тараф ҳамчунин дар мавриди вазъияти минтақа ва масоили минтақаӣ ва байналмилалӣ мавриди алоқаи муштарак аз ҷумла таҳаввулоти буҳрони Украина гуфтугӯ карданд.
Абдуллоҳ ибни Зоид, ҳам дар ин дидор гуфт, ки Амороти таҳти раҳбарии Муҳаммад ибни Зоид, раиси ин кишвар, муштоқи тақвияти равобити роҳбурдии худ бо Иёлоти Муттаҳида барои дастёбӣ ба манофеъи мутақобили ду кишвар ва кумак ба таҳкими аркони амният ва сабот дар минтақа ва бароварда кардани орзуҳои мардуми Аморот барои тавсеа ва рифоҳ аст.
Давлати Амрико муддаӣ шуда буд ҳадаф аз эъзоми ин тим, тасалият ба Аморот, бобати даргузашти ҳокими ин кишвар аст, аммо таҳлилгарон эъзоми ин ҳайатро дар замони ҳамлаи Русия ба Украина ва талоши кишварҳои ғарбӣ ҷиҳати ёфтани ҷойгузин барои нафти Русия қобили таваҷҷӯҳ медонанд.