Сафири ҷадиди Фаластин бо тақдими устуворномаи худ ба сарпарасти Вазорати умури хориҷаи Узбакистон маъмурияташ дар ин кишварро оғоз кард.
Ҷавод Муҳаммад Авод, сафири ҷадиди Фаластин маъмурияти худ дар Узбакистонро оғоз кард.
Ҷавод Муҳаммад Авод, сафири ҷадиди Фаластин дар дидоре дар шаҳри Тошканд устуворномаи худро тақдими Владимир Норов, сарпарасти Вазорати умури хориҷаи Узбакистон кард.
Сарпарасти Вазорати умури хориҷаи Узбакистон дар ин дидор сафири Фаластинро ба муносибати таъйини вай ба унвони сафир табрик гуфт ва барои вай дар анҷоми ин маъмурияти дипломатики пурмасъулият орзуи муваффақият кард.
Дар ин дидор чигунагӣ ва чашмандози тавсеаи равобити дуҷониба дар заминаҳои сиёсӣ, иқтисодӣ ва бозаргонӣ, фарҳангӣ ва ҳамчунин ҳамкориҳои мутақобил дар чорчуби Созмони Милали Муттаҳид, Созмони Ҳамкории Исломӣ ва дигар сохторҳои байналмилалӣ мавриди баррасӣ қарор гирифт.
Тарафайн дар мавриди барномаи маросимҳои муштараки қарибулвуқуъ дар сатҳҳои мухталиф низ табодули назар карданд.
Дар ин дидор мавзӯоти мавриди алоқаи тарафайн низ мавриди баррасӣ қарор гирифт.
Фаластин истиқлоли ин кишварро дар таърихи 30 декабр соли 1991 мелодӣ ба расмият шинохта ва дар 25 сентябри соли 1994 байни ин ду кишвар равобити дипломатик барқарор шудааст.