Вазорати хориҷаи Амрико аз таътил шудани сафорати Афғонистон дар ин кишвар бадалели вуҷуди мушкилоти молӣ хабар дод.
Ба гузориши хабарнигори сайти Афғонистон, вазорати хориҷаи Амрико дар иттилоияе аз баста шудани сафорати Афғонистон дар Вашингтон ба далели мушкилоти молӣ хабар дод.
Бар асоси ин иттилоия, Вашингтон ба дипломатҳои Афғонистон, ки дар сафорати ин кишвар машғӯл ба кор ҳастанд, 30 рӯз фурсат дод то барои мондани худ дар Амрико аз тариқи визоҳои башардӯстона дар ин кишвар иқдом кунанд ва дар ғайри ин сӯрат аз ин кишвар ихроҷ хоҳанд шуд.
Дар ҳамин ҳол мақомҳои амрикоӣ эълом карданд, ки ин сиёсатмадорон ба Афғонистон фиристода нахоҳад шуд, аммо токунун кишвари мақсади онҳо мушаххас нест.
Вазорати хориҷаи Амрико ҳамчунин аз радди дархости иқомати теъдоде аз кормандони сафорати Афғонистон хабар дод.
Ба дунболи суқути Кобул, Амрико тайи иқдоми Афғонистонро таҳрим ва ҳисобҳои банкии мутаъаллиқ ба сафорати Афғонистон дар ин кишварро масдуд кард. Кормандони ин сафорат ба далели таҳримҳои вазъ шуда алайҳи гуруҳи Толибон моҳҳо ҳуқуқи худро дарёфт накарда ва ба мушкилоти маъишатии зиёде дучор шуданд.
Вазорати хориҷаи Амрико эълом кард, ки то замоне ки ҳукумати сарпарасти гуруҳи Толибон аз сӯи ҷаҳониён ба расмият шинохта нашавад, ҳузури ҳеҷ дипломате аз сӯи Афғонистонро нахоҳад пазируфт.
Гуруҳи Толибон, аммо токунун дар бораи ин тасмими Амрико изҳори назаре накардаанд.