Дар доираи сафари гурӯҳи корӣ ба Ӯзбекистон таҳти роҳбарии Раҳмонзода Абдулғаффор, муовини якуми вазири меҳнат, муҳоҷират ва шуғли аҳолии Тоҷикистон чаҳор санади ҳамкорӣ ба имзо расид, иттилоъ додааст дафтари матбуотии ин ниҳод.
Тибқи иттилои манбаъ, Ёддошти тафоҳум байни Агентии муҳоҷирати меҳнатии назди Вазорати шуғл ва муносибатҳои меҳнатии Ӯзбекистон ва Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон, Эъломияи ҳусни нияти ҳамкорӣ байни Вазорати меҳнат, муҳоҷират ва шуғли аҳолии Тоҷикистон ва Вазорати шуғл ва муносибатҳои меҳнатии Ӯзбекистон барои ҳамкорӣ дар масъалаҳои назорати давлатии меҳнат ба имзо расид.
Инчунин тибқи иттилои манбаъ, Эъломияи ҳусни ният дар бораи масъалаҳои рақамикунонии муносибатҳои меҳнатӣ ва идоракунии лоиҳаҳо дар самти меҳнат байни Вазорати меҳнат, муҳоҷират ва шуғли аҳолии Тоҷикистон ва Маркази идоракунии лоиҳаҳо дар самти меҳнати назди Вазорати шуғл ва муносибатҳои меҳнатии Ӯзбекистон, Эъломияи ҳусни нияти ҳамкорӣ байни Вазорати меҳнати Тоҷикистон ва Вазорати шуғл ва муносибатҳои меҳнатии Ӯзбекистон дар бораи ҳамкорӣ дар масъалаҳои таҳсилоти касбӣ ба имзо расонида шуд.
Гуфта шудааст, ки санадҳои мазкурро аз ҷониби Тоҷикистон муовини якуми вазири меҳнат, муҳоҷират ва шуғли аҳолии Тоҷикистон ва аз ҷониби Ӯзбекистон муовини якуми вазири шуғл ва муносибатҳои меҳнатии Ҷумҳурии Ӯзбекистон ба имзо расондаанд.
Таъкид шудааст, ки санадҳои имзошуда барои густариши ҳамкориҳои судманди дуҷониба заминаи мусоид фароҳам месозанд.
Пештар дар хабарҳо омада буд :
Шавкат Мирзиёев, раисҷумҳури Узбекистон дар гуфтугӯи телефонӣ бо Эмомалӣ Раҳмон зимни табрики солрӯзи таваллудаш, саломатӣ, рифоҳ ва муваффақиятро барои мардуми Тоҷикистон орзу кард.
Президенти Узбекистон дар ин гуфтугӯи телефон ба дастовардҳои Тоҷикистон дар арсаҳои сохти давлатӣ ва тавсеаи иҷтимоӣ ва иқтисод ва ҳамчунин эътибори рӯзафзуни кишвар дар арсаи байналмилалӣ таъкид кард.
Мирзиёев ҳамчунин барои натоиҷи пурсамари раёсати тарафи тоҷик дар Созмони Ҳамкории Шанхай дар соли равон ва барогузории муваффақиятомези нишасти ин сохтори чандҷониба дар Душанбе дар моҳи гузашта арзиши бисёр қоил шуд.
Руасои ҷумҳури бо ибрози ризояд ба равобити дар ҳоли таҳкими дӯстӣ, ҳусни ҳамҷаворӣ ва ҳамроҳии роҳбурдӣ ва стратегӣ таъкид карданд.
Таъкид гардид, ки дар натиҷаи иродаи сиёсӣ ва ҳамкориҳои ҳамаҷониба, равобити ду кишвар ба як марҳилаи ҷадиду беҳтар ворид шудааст.
Дар ҳамин бора тасреҳ шуд, ки равобиту табодули таҷриба байни ду кишвар тақвият шавад ва мубодилоти тиҷорӣ ва бозаргонӣ афзоиш ёфтааст.
Ҳамчунин таъкид шуд тарҳҳҳои муҳими таовунӣ дар заминаиҳои мошинсозӣ, энержӣ, электротенехника, маъданҳо ва кишоварзӣ иҷро мешавад ва илова бар ин, танзими тарҳҳои ҳамкорӣ дар заминаҳои беҳдоштӣ ва омӯзишӣ ҳам идома дорад.
Президентҳои ду кишвар ба аҳамияти иҷрои комили қарордодҳо ва тавофуқҳои ба дастомада таъкид карданд ва дастури идомаи ҳамкориҳои наздик ва ҳамоҳанги дар чорчӯби фаъолияти комиссияҳои муштараки байни давлатиро доданд.
Руасои ҷумҳур дар ин гуфтугӯи телефонӣ дар мавриди масоили рӯзи байналмилалӣ ва минтақавӣ аз ҷумла вазъи Афғонистон ҳам табодули афкор караднд ва ҳамчунин барномаи дидор ва маросимҳо дар сатҳи олӣ мавриди баррасӣ қарор гирифт.
Мубодилоти бозаргонии ду кишвар дар соли 2020 дар сатҳи 500 миллион доллар қарор гирифтааст.
Узбекистон ҳамакнун 24 воҳид ширкат бо сармоягузории тоҷикон ва дар Тоҷикистон ҳам 9 ширкат бо сармоягузории узбекҳо фаъолият мекунанд.
Тоҷикистон истиқлолияти Узбекистонро дар таърихи 6-январи соли 1992 ба расмият шинохт ва дар 2-уми октябри соли 1992 равобити сиёсӣ барқарор кардааст.