Созмони мардум ниҳоди “Press Emblem Campaign”, ( PEC ) дар Женева бо интишори баёнияе эълом кард, ки аз якуми марти 2020 токунун 602 рӯзноманигор аз 59 кишвар бар асари ибтило ба коронавирус ҷон бохтанд.
Бар ин асос , тайи 10 моҳи гузашта рӯзона ба таври мутавассит 2 рӯзноманигор ибтило ба коронавирус шуда ҷони худро аз даст доданд.
Бештари мавориди марги рӯзноманигорон тайи ин муддати замонӣ дар кишварҳои Амрикои Лотин мушоҳида шуд . Дар ин кишварҳо 303 рӯзноманигор бар асари коронавирус фавт карданд.
Дар кишварҳои Осиёӣ 145 , Аврупоӣ 94 , Амрикои Шимолӣ 32 ва Африқоӣ 28 рӯзноманигор пас аз ибтило ба коронавирус ҷони худро аз даст доданд.
Коронавирус дар Перу 93 , Бразилия 55 , Ҳинд 53 , Мексика 45 , Эквадор 42 ва Бангладеш 45 , Италия 37 , Амрико 31 , Покистон 22 ва Туркия 17 рӯзноманигорро ба коми марг расонд.
Бар асари коронавирус дар Англия 13 , Панама 11 , Боливия 9 рӯзноманигор ва дар Афғонистон , ҷумҳурии Доминикан, Нигерия ва Русия низ 8 рӯзноманигор ҷони худро аз даст доданд.
Ин созмон дар баёнияи худ ҳушдор дод : мавориди марги рӯзноманигорон бар асари коронавирус дар бархе кишварҳо сабт намешавад ва рӯзноманигорони фавт карда низ мавриди озмоиш қарор намегиранд . Бад-ин далел омори воқеӣ болотар аст . Омори марбути мавориди марги рӯзноманигорон аз коронавирус мумкин аст гумроҳ кунанда бошад .