РИА Недвижимость дар ин бора менависад, ки норасоии муҳоҷирони меҳнатӣ дар сохтмонҳои Русия метавонад қисман бо занони маҳаллӣ пур карда шавад, менависад.
Коршиносон гуфтанд, ки сар аз 1 январи соли 2021 муқаррароти фармони Вазорати меҳнати Федератсияи Русия мавриди амал қарор мегирад, ки он рӯйхати ихтисосҳои барои занон мамнӯъро чор маротиба коҳиш медиҳад.
Ҳамин тариқ, беш аз 30 ихтисоси нав барои занони Русия дастрас мегардад, аз ҷумла ҷойҳои корӣдар сохтмон, ки қаблан хатарнок ҳисобида мешуданд.
Ба гуфтаи Василий Сосновский, мутахассиси ширкати ҳуқуқии “Генезис”, як қатор корҳои таъмирӣ ва сохтмонӣ ба рӯйхати нав дохил карда шуданд ва бо вуҷуди бекор кардани баъзе маҳдудиятҳо, ширкатҳои сохтмонӣ наметавонанд занонро барои иҷрои корҳои марбут ба бардоштан ва ҳаракат додани бори вазнин, новобаста аз навъи мансаб, ҷалб кунанд.
Коршинос шарҳ дод: “меъёрҳои муқарраршудаи ҳадди аксар иҷозатдодашудаи фаъолияти ҷисмонӣ барои занон ҳангоми бардоштан ва аз як ҷой ба ҷойи дигар кӯчонидан ошё бояд дастӣ риоя карда шаванд. Вазни максималӣ барои онҳо 10 килоро ташкил медиҳад”.
Дар ҳамин ҳол, раҳбари Ассотсиатсияи миллии бинокорон Антон Глушков изҳор медорад, ки ҳарчанд соҳаи сохтмон миёни занон маҳбубият пайдо кардаистодааст, аммо дар бораи пурра иваз кардани муҳоҷирон ба занони рус ҳарф задан барвақт аст.
Глушков шарҳ дод: “танҳо ин аст, ки майдони сохтмон бештар технологӣ мешавад ва занон низ метавонанд дар сохтмон кор кунанд”.
Дар ҳамин ҳол, мусоҳиб таъкид кард, ки тамоюлҳои мусбат дар коҳиши номутаносибии гендерӣ дар соҳаи сохтмон ҳоло ҳам ҷой доранд.
Ба гуфтаи ӯ, занон метавонистанд норасоии муҳоҷиронро дар корҳои таъмирии хатми сохтмон ҷуброн кунанд.