Вазорати тандурустӣ хабар додааст, ки аз аввали ҳамагирии коронавируси навъи COVID – 19 то кунун гирифторони ин беморӣ дар Тоҷикистон 10414 нафар баробар шуд.
Тибқи иттилои манбаъ, шабонарӯзи гузашта дар Тоҷикистон 40 ҳолати нави сироятёбӣ ба COVID-19 ошкор гардида, шумораи онҳо дар муддати аз 30 апрел то 16 октябр ба 10414 нафар расид.
Дар хабари вазорат омадааст: “то имрӯз дар мамлакат 9393 нафар ё худ 90,2%-и гирифторони COVID-19 шифо ёфта, аз ин беморӣ 80 нафар фавтидаанд”.
Вазорати тандурустӣ мегӯяд, шабонарӯзи охир 76 нафар баъд аз муолиҷа ба хонаҳояшон рухсат дода шуданд.