Бояд ин нуктаро дар назар дошт, эътирозҳое, ки дар Амрико рух медиҳад, аз назари шиддат, муддат ва вусъате, ки дорад, аз эътирозҳои гузашта мутафовит буда ва ин мавзӯъ боис шудааст пайгирии таҳаввулоти дохилии Амрико ба сюжети аслии расонаҳо ва андешкдаҳои мӯътабари ҷаҳонӣ табдил шавад.
Мо дар заминаи таҳаввулоти Амрико шоҳидем мутафаккироне ҳатто дар дохили ин кишвар аз уфули ҳежемунии Амрико сухан мегӯянд; чӣ инки Навом Ҷомски дар садри касоне аст, ки мегӯяд давлати ин кишвар дар ҳоли дасту панҷа нарм кардан бо як буҳрон аст ва Фукуёмо мавзӯи уфули ҳежемунии Амрикоро матраҳ мекунад. Чомски мӯътақид аст буҳрони Амрико решаи 400 сола дорад ва ин кишвар барои муддати 400 сол даргири бардадорӣ ва нажодпарастии ниҳодина шудааст.
Вай ҳамчунин мӯътақид буд Амрико даргири буҳрони қонуни асосӣ аст; ба гунае, ки агар қарор буд кишваре ҳамчун Амрико дархости узвият дар Иттиҳоди Аврупо бидиҳад, шояд додгустарии ин иттиҳодия онро ба далели мушкилоти дохилии Амрико қабул намекард.
Амрико ба далели даргир шудан бо буҳронҳои мухталиф, бо чолиши ҳокимиятӣ мувоҷеҳ шудааст; чолише, ки дар замони ривоҷи коронавирус боис шуд ин кишвар аз ҷиҳати эътимоди умумӣ ба давлат, кифояти ҳокимият ва раҳбарӣ дучори мушкил шавад ва даврони уфулро сипарӣ кунад. Ба ин далел, ки Амрико аз ҷумла бозигарони аслии насли кунунии арсаи байналмилал аст, агар дучори уфул ё буҳрон шавад, метавонад дар арсаи байналмилал таъсир бигузорад ва онро барои муддати тӯлонӣ зери шубҳа қарор диҳад.
Чанд моҳи дигар интихоботи раёсатҷумҳурии Амрико баргузор мешавад. Акнун бахше аз мушкил миёни ҳайати ҳокима ва нухбагони сиёсии Амрико боис шудааст фазои сиёсӣ ва иҷтимоии ин кишвар мутаассир аз ин фазо ба шиддат дуқутбӣ шавад, аммо эътирозҳое, ки дар Амрико шоҳид будем, боис шуд ниҳодҳои амниятӣ эҳсос кунанд шояд эътирозҳо таҳдиде барои сохтори ҳокимиятӣ набошад. Ба ҳамин далел саъй карданд ба ҷои инки кулли систем ҳазина диҳад, фарде ҳамчун Трамп ҳазинаи онро бипардозад.
Демократҳо ҳам аз мавзӯъ дар ҷиҳати рақобатҳои ҳизбӣ истифода карданд ва дар ниҳоият дар назарсанҷиҳо Трамп дар баъзе иёлатҳо ҳатто 14 дарсад аз рақиби демократи худ ақаб афтодааст. Ин рӯзҳо мешнавем ҳатто чеҳраҳои ҷумҳурихоҳ дар бораи шикасти Трамп дар интихоботи оянда сухан мегӯянд ва баъзеҳо ҳамчун Ҷомски мегӯянд, агар қарор бошад Трамп дар интихобот шикаст бихӯрад, маълум нест чӣ вокунише нишон диҳад.