Дабири кулли Ҳизбуллоҳи Лубнон бо ишора ба буҳрони иқтисоди ин кишвар ба лузуми рӯй овардан ба шарқ таъкид кард ва гуфт: рӯй овардан ба шарқ ба маънои қатъи иртибот бо ғарб нест, балки иртибот бо ҳамаи кишварҳо ба ғайр аз режими саҳюнистӣ имконпазир аст.
Сайидҳасан Насруллоҳ суханони худро бо гиромӣ доштани ёд ва хотираи ҷанги 33 рӯзаи Лубнон ва пирӯзии Ҳизбуллоҳ дар ин ҷанг оғоз кард ва гуфт: ин ҷанг дар 12 июли соли 2006, ҳамзамон бо асорати низомиёни режими саҳюнистӣ дар марзҳои Лубнон оғоз шуд.
Вай дар идома ба мушкилоти иқтисодии Лубнон ва изҳороти бархе аҳзоби сиёсии Лубнон ба лузуми рӯй овардани ин кишвар ба шарқ ва кишварҳое монанди Чин, Русия ва Эрон ишора кард ва афзуд: гароиш ба шарқ ба маънои қатъи иртибот бо ҷаҳон аз ҷумла ғарб нест ва Лубнон бар асоси ниёз ба ғайр аз режими саҳюнистӣ, метавонад бо ғарб иртибот дошта бошад.
Вай тасреҳ кард: вақте Эрон пазируфтааст, ки фаровардаҳои нефтии худро дар ивази пули миллии Лубнон тақдими ин кишвар кунад, ин ба маънои фидокории Эрон аст.
Дабири кулли Ҳизбуллоҳи Лубнон таъкид кард, ки намунаи иқтисоди эронӣ, намунаи баде нест; чароки боис шудааст ин кишвари 40 сол дар баробари таҳримҳо муқовимат кунад.
Сайидҳасан Насруллоҳ афзуд: ҳар фарде, ки ба думболи ҳалли буҳрони иқтисодӣ аст, бояд ба фикри кулли Лубнон бошад, на як минтақа ё бахши хосс, зеро паёмадҳои ин буҳрон барои ҳамаи лубнониҳо аст.
Вай изҳор кард: бархеҳо мегӯянд, ки гароиш ба шарқ ва барқарории равобит бо Эрон ба ин маъно аст, ки мо мехоҳем Лубнонро ба намунаи эронӣ табдил кунем. Аммо чунин чизе нест, балки мо аз Эрон хостем то ба мо кумак кунад.
Дабири кулли Ҳизбуллоҳи Лубнон бо таъкид бар инки Лубнон зарфияти Эронро надорад, унвон кард: Эрон тақрибан дар маводи ғизоӣ худкифо аст ва аз ҷиҳати саноеъ ва таҷҳизоти дифоӣ дар сатҳи пешрафтае қарор дорад ва тавонистааст ҳамеша ба фазо партоб кунад ва дар тавлиди сӯхт, барқ ва дору худкифо аст ва онҳоро ба хориҷ аз кишвар содир мекунад.
Насруллоҳ афзуд: бархе мегӯянд барои хориҷ шудан аз шароити кунунӣ бояд ба сӯи Сандуқи байналмилалии пул биравем. Дар ин бора мо қаблан ҳам гуфта будем, ки дарёфти вом аз Сандуқи байналмилалӣ мушкиле нест, вале ин ба ин маъно нест, ки гузинаҳои дигарро раҳо кунем.
Вай шароити иқтисодии ин кишварро ҷузви хатарноктарин таҳдидҳо донист ва гуфт, ки таҳдиди иқтисодӣ, миллат ва давлати Лубнонро нишона гирифта аст, аммо бояд онро ба фурсат табдил кунем.
Сайидҳасан Насруллоҳ гуфт, ки доштани равобити тиҷорӣ ва иқтисодӣ бо кишварҳои шарқ монанди Эрон, Чин ва Ироқ ба Амрико ва дигарон ин паёмро мунтақил мекунад, ки Лубнон барои худ гузинаҳои дигаре ҳам дорад.
Вай бо баён инки таомули иқтисодии Лубнон бо Ироқ хуб аст, тасреҳ кард: Ироқ аз ҷиҳати иқтисодии кишваре муқтадир аст ва гардишгари динӣ ва пизишкӣ байни ду кишвар дар ҷараён аст, ин дар ҳоле аст, ки бархе мегуфтанд Ироқ таҳти фишори Амрико бо Лубнон ҳамкорӣ нахоҳад кард.
Вай тасреҳ кард: мо дар Ҳизбуллоҳ лубнониҳоро даъват ба эҳёи бахшҳои санъат ва кишоварзӣ мекунем. Ин масъала шарти асосии бақо ва зиндагии обрӯмандонаи мо хоҳад буд. Мо дар Ҳизбуллоҳ тасмим ба муқобила бо ҷанги фурӯпошӣ ва гуруснагӣ гирифтаем. Ҳизбуллоҳ бо тамоми имконот, тавонмандиҳо, дӯстон ва муттаҳидонаш дар қалби ин тақобул қарор хоҳад гирифт.
Вай тасреҳ кард: дахолатҳои Амрико имрӯз беш аз пеш ошкор шудааст. Чӣ рабте ба сафири Амрико дорад, ки бигӯяд фалоншахс куҷо мансуб шавад ва дигаре куҷо. Ваҷҳи ҷадиди дахолати Амрико аз тариқи сафираш ин аст, ки хеле ошкоро дахолат мекунад ва мегӯяд, ки раиси Бонки марказӣ чӣ касеро дар чӣ мансабе мансуб кунад. Аз ин бадтар ҳам мешавад? Дар кишварҳои мустаъмара интавр рафтор мекунанд. Бештар аз ин маворид, сафири Амрико омада ва таркиб ва ҳувияти кобинаи ҷадиди Лубнонро таъйин мекунад.
Насруллоҳ идома дод: хатарноктар аз ҳамаи дахолатҳо, иқдоми сафири Амрико ба таҳрики лубнониҳо алайҳи якдигар аст. Сӯҳбатҳои ӯ дар масири эҷоди фитна ва даргирии дохилӣ дар Лубнон аст. Оё бояд муқобили ин иқдомот хомуш монд? Имрӯз ба ҳама дар Лубнон аз мардум ва аҳзобгирифта то давлати эълон мекунам, ки сафири Амрико дахолат мекунад ва ҳамаро алайҳи якдигар таҳрик мекунад, аммо ҳама сокитанд.
Дабири кулли Ҳизбуллоҳ идома дод: як қозии шарифи лубнонӣ омад ва алайҳи ин сафири Амрико ҳукме дод ва ин иқдом қабл аз ҳар чиз нишон медиҳад, ки Лубнон қазовати шуҷое дорад. Сафири Амрико ҳақ надорад аз ҳуқуқи башар дар Лубнон сӯҳбат кунад; Амрико кишваре аст, ки дар минтақа даҳҳо ҷанг барафрӯхта ва миллионҳо нафарро кушта аст. Ҳамаи ҷангҳои Исроил алайҳи Лубнон, амрикоӣ аст.
Насруллоҳ хитоб ба сафири амрикоӣ гуфт: мо акнун дар остонаи солрӯзи ҷанги 33 рӯза қарор дорем. Ҳар Лубноне, ки кушта шудааст, ба далели кишварат аст хонуми сафир! Руасои кишварат дастури ҷанг додаанд. Келинтон фаластинӣ будааст? Обама сурӣ будааст? Ҳадду ҳудуди худро ҳифз кун ва мӯҳтарам бимон.
Вай дар поён бо ишора ба инки ҳамаи иқдомоти Амрико алайҳи муқовимат токунун шикаст хӯрда аст, гуфт: тарҳи пайвастани хатарноктарин тарҳи кунунӣ дар сатҳи минтақа аст. Мо лубнониҳо бар хилофи машғулиятамон ба масоили дохилӣ, таваҷҷуҳамон аз бародарони фаластинӣ ва рӯёрӯии онон бо ин тарҳи хатарнок мунҳариф нахоҳад шуд.
Сайидҳасан Насруллоҳ хитоб ба амрикоиҳо гуфт: Ҳизбуллоҳ таслим нахоҳад шуд, муқовимат таслим намешавад ва сиёсатҳои шумо натиҷабахш нахоҳад буд, пас даст аз ин бозӣ ва вақткушӣ бардоред.
Машғул шудани мо ба шароити иқтисодӣ набояд моро аз қарор гирифтан канори фаластиниҳо ғофил кунад.