Саидмукаррам Абдулқодирзода гуфтааст, ки феълан масҷидҳои кишвар фаъолият доранд вале дар сурати густариши коронавирус эҳтимоли баста шудани дубораи ин марокизи ибодӣ вуҷуд дорад.
Вай бо ишора ба баста шудани масоҷиди аксари кишварҳои исломӣ дар пайи густариши коронавирус таъкид кардааст, ки агар коронавирус ба Тоҷикистон хатаре ворид кунад танҳо роҳи муносиб бастани ин марказҳои ибодӣ хоҳад буд.
Вай аз шахсони солхурда хоҳиш кардааст, ки ба масҷид наоянд ва намозҳояшонро дар хона бихонанд.
Ҳамчунин ба ҷавонон тавсия шудааст, ки ба масҷидҳо бо ниқобҳои тиббӣ ҳозир шаванд.
Абдулқодирзода гуфтааст, ки ҷаласаи навбатии Шурои уламо дар шаҳри Душанбе санаи 21 апрели соли равон баргуззор хоҳад шуд, ки дар ин ҷаласа дар бораи шароити фаолияти масҷидҳои ин кишвар дар моҳи мубораки Рамазон тасмимгирӣ мешавад.
Ин дарҳоле аст, ки хондани намозҳои ҷамоат дар масҷидҳои Тоҷикистон аз рузи 5 марти соли ҷорӣ ба дархости Вазорати тандурустӣ барои ҷилавгирӣ аз густариши коронавирус мамнуъ шуд.
Аммо дар таърихи 20 марти соли ҷорӣ дари вурудии масҷидҳо барои хондани намозҳои ҷамоат дубора боз шуд.