Ба нақл аз RT, Вазорати дифои Русия дар баёнияе эълон кард: Сергей Шойгу, вазири дифои Русия бо Хулуси Окор, вазири дифои Туркия ройзанӣ кардааст.
Бар асоси эълони ин расона, меҳвари гуфтугӯи вазирони дифои Русия ва Туркия авзоъ дар Идлиб Сурия будааст.
Ин дар ҳолест, ки Вазорати дифои Туркия дар баёнияи расмии гузаштааш эълон кард: нишасти ҳайатҳои низомии Туркия ва Русия дар чорчӯби тавофуқи тарафайн дар 5 марти 2020 оғоз шуд.
Бар асоси баёнияи Вазорати дифои Туркия, ин нишаст дар чорчӯби тавофуқи ҳосила дар 5 марти моҳи ҷорӣ миёни мақомоти ду кишвар баргузор шудааст ва қарор аст дар он перомуни мавзӯи Идлиб баҳсу ройзанӣ шавад.
Гуфтанӣ аст, ки раванди барқарории оташбас дар минтақаи коҳиши таниши Идлиб Сурия дар пайи тавофуқи сарони кишварҳои Туркия ва Русия аз соат 00:01 панҷшанбе шаби (5-6 март) оғоз шуд.
Ин дар ҳолест, ки Туркия илова бар таҷовуз ба хоки Сурия бар хилофи қонунҳои байналмилалӣ ва маншури Милали Муттаҳид аз террористҳои мавриди ҳимояти Анкара низ дифоъ карда ва таслиҳоти мавриди ниёзи онҳоро барояшон ирсол мекунад.