Усмоналӣ Усмонзода дар дидор бо Муҳаммадвалии Алоуддинӣ, мудири кулли Ширкати сохт ва таҳияи колои саноати барқи Эрон мавсум ба СоТКоБ бар тақвияти ҳамкории муҳандисони тоҷикистонӣ ва эронӣ дар бахши нерӯгоҳҳои тавлидкунандаи энержӣ таъкид кард. Вазири энержӣ ва захоири обии Тоҷикистон бо ишора ба собиқаи ҳамкории ин кишвар бо ширкатҳои эронӣ ва ризоят аз тарҳҳои иҷрошуда дар Тоҷикистон афзуд, муҳандисони эронӣ дар иҷрои ин гуна тарҳҳо аз бисёр кишварҳои аврупоиҳо пешрафтатар ҳастанд. Усмонзода мутахассисони ҳавзаи энержӣ дар донишгоҳҳои ин кишварро омодаи истиқбол аз донишмандон ва хубрагони эронӣ донист ва баргузории ҷаласоти машваратии байни ширкати СоТКоБ ва мудирони обу барқи Тоҷикистонро хостор шуд. Муҳаммадвалии Алоуддинӣ, мудири кулли Ширкати сохту таҳияи колои саноати барқи Эрон ҳам дар ин дидор бо ишора ба ин ки СоТКоБ ба унвони пуштибони саноати обу барқ беш аз 50 сол собиқаи фаъолият дорад, гуфт, ин ширкат омодааст, ҳама ниёзҳои таҷҳизоти ҳавзаи обу барқи Тоҷикистонро таъмин ва дар интиқоли дониши фаннии тавлиди таҷҳизоти обу барқ бо ин кишвар ҳамкорӣ кунад. Мудири кулли СоТКоБ кишвари Тоҷикистонро ба лиҳози манобеи обӣ муносиб барои сармоягузорӣ донист ва пешниҳод дод, комиссияи муштараке барои тасҳил дар умури тиҷорӣ ва содироти ду кишвар эҷод шавад.
Усмоналӣ Усмонзода, вазири энержӣ ва захоири обии кишвари Тоҷикистон, ки барои ҳузур дар сездаҳумин иҷлоси Комиссияи муштараки ҳамкориҳои иқтисодӣ ва фаннии Эрону Тоҷикистон дар Теҳрон ба сар мебарад, панҷшанбеи ин ҳафта дар даҳумин иҷлоси Шӯрои ҳуккоми Маркази минтақаии мудирияти оби шаҳрӣ дар Теҳрон ширкат хоҳад кард.