Ба нақл аз Спутник, Доналд Трамп раиси ҷумҳури Амрико ба Раҷаб Таиб Эрдуғон ҳамтои туркияии худ, муомилаи тиҷории 100 миллиард доллариро ба Эрдуғон додааст.
Ин маблағ дар баробари таҳримҳоест, ки Вашингтон алайҳи Анкара барои хариди сомонаи дифои ҳавоии С-400 Русия дар назар гирифтааст.
Рӯзномаи ВашингтонПост менависад: пешниҳоди Трамп барои беҳбуди равобит байни Амрико ва Туркия дар номае, ки ҳафтаи гузашта аз сӯи вай ба раиси ҷумҳури Туркия ирсол шуда дарҷ шудааст.
Бар асоси иттилооти ин рӯзнома пешниҳодоти Трамп эҳтимолан бархе намояндагони Маҷлиси намояндагони Амрикоро хашмгин хоҳад кард, ки моҳи гузашта аз иҷроии таҳримҳо алайҳи Туркия барои амалиёти низомии ин кишвар дар Сурия ҳимоят карданд.
Раҷаб Таиб Эрдуғон раиси ҷумҳури Туркия, ки ба даъвати ҳамтои амрикоии худ Доналд Трамп вориди Вашингтон шуда бомдоди имрӯз дар ҳотели маҳали иқомати худ дар як мизигирди иқтисодӣ ширкат ва бо ҷамъе аз бозаргонон ва аъзои утоқи бозаргонии Амрикоӣ дидор кард.
Эрдуғон дар ин сафар қарор аст бо ҳамтои амрикоии худ Доналд Трамп дар хусуси хариди навтарин ҳавопаймоҳои ҷангандаи сомонаи дифои ҳавоии С-400 Русия ва патриоти Амрико ва ҳамчунин вазъияти Сурия гуфтугӯ кунад.