Ба нақл аз хабаргузории Рейтерз, Мавлуд Човушуғлу гуфт; Туркия бо террористҳо, танҳо дар сурати замин гузоштани силоҳҳояшон музокира мекунад.
Доналд Трамп раиси ҷумҳурии Амрико ба тозагӣ гуфта буд умедвор аст битавонад миёни курдҳо ва Анқара васотат кунад то амалиёти Туркия дар шимоли Сурия поён ёбад.
Пеш аз ин низ Кохи Сафед дар мавзеъгирии мутаноқиз эълом кард ; нерӯҳои амрикоӣ на аз амалиёти Туркия ҳимоят карда ва на дар он мушорикат ё мудохила мекунад.
Аз назари нозирони сиёсӣ, ин иқдоми Амрико ба манзалаи чароғи сабзи ин кишвар ба Туркия барои ҳамла ба курдҳои сурӣ будааст.
Амалиёти низомии Туркия бо Сурия дар ҳоле аст,ки миллат ва давлати он кишвар ҳамроҳ бо ҷомиъаи байлалмиллал,онро таҷовузгарӣ медонанд.
Амалиёти низомии артиши Туркия аз рӯзи чоршанбе 9 октиябр ва ба баҳонаи муқобила бо терроризм ва поксозии марзи Сурия ва Туркия аз ҳузури шибҳи низомиёни курд,ки Анқара онро террорист мехонад,оғоз шудааст ва ҳамчунон идома дорад.