Манобеи расонаии саҳюнистӣ давоми рӯзҳои ахир ба шикасти Исроил аз Ҳизбуллоҳ ва Ансоруллоҳ тасреҳ карда ва мегӯянд ин ҷунбишҳо режими буҳронзадаи Телавивро дар як муъзали амниятӣ ва роҳбурдӣ қарор додаанд.
Рӯзномаи саҳюнистии Ҳоортс ба думболи мусоҳибаи ахири Сайидҳасан Насруллоҳ, дабири кулли Ҳизбуллоҳ муносибати сездаҳумин солрӯзи ҷанги 33-рӯза ва изҳороти вай дар бораи инки “ҳамаи Исроил дар тирраси мушакҳои мо аст” навишт: “Насруллоҳ таҳдидашро такрор кард ва гуфт Ҳизбуллоҳ ниёзе ба силоҳи ҳастаӣ надорад, балки кофӣ аст як фарванд мушак ба самти махзанҳои Омунёки Ҳайфо шиллик кунад то даҳҳо ҳазор кушта ва захмӣ бар ҷой гузорад.”
Рӯзномаи Оҳорунут ҳам тасмими Аморот барои ақабнишинии неруҳояш аз ҷанг дар баробари Ансоруллоҳ ва муттаҳидони он дар Яманро шикасте барои Арабистон ва сипас барои Исроил хонд ва гуфт, ки ин шикаст раванди оддисозӣ бо Исроил ба раҳбарии Риёзро ноком хоҳад гузошт ва имкони ташкили иътилофи дифоӣ байни Исроил ва бархе кишварҳои арабии Халиҷи Форсро аз байн мебарад.
Рӯзномаи лубнонии Бано бо зикри муқаддимаи боло барои ёддоште бо унвони “Ҳизбуллоҳ ва Ансоруллоҳ Исроилро дар тангнои амниятӣ гузоштанд”, тасреҳ кард: “Исроил на танҳо дар буҳрони амниятӣ қарор гирифтааст, балки бо як чолиши ҷиддии стратегӣ рӯбарӯ аст, ки таҳдидҳои ахири Насруллоҳ онро фош кард.”
Рӯзномаи ибризабони Ҳоортс ба думболи суханони ахири дабири кулли Ҳизбуллоҳ навишт: “Фармондеҳи ҷабҳаи дохилии артиши Исроил истеҳкоми бист мавқеият дар Исроилро дар баробари ҳамалоти ракетии эҳтимолӣ тақвият кардааст ва ин ба сабаби тарс аз вақте аст, Ҳизбуллоҳ дар ҳар рӯёрӯии низомӣ байн он ва Исроил дар оянда онҷоро бо мушакҳои нуқтазан ҳадаф бигирад.”
Ҳоортс боз хабар дод, ки фармондеҳи ситоди фармондеҳии ҷабҳаи дохилии Исроил дар ҷараёни баҳси дохилӣ дар парлумони Исроил таъйид кард, ки 2,5 миллион шаҳрванди исроилӣ ба андозаи кофӣ дар амният нестанд зеро беш аз ҳафтсадҳазор хона аз ҳамалоти мушакӣ дар амон нестанд.
Нигаронии Исроил аз куҷо омада ва ба куҷо меравад?
Исом Нӯъмон, нависандаи ин ёддошт ва вазири собиқи лубнониӣ навиштааст: «Ҷолишҳои Ҳизбуллоҳ ва паёмадҳои пешравии Ансоруллоҳ дар Яман танҳо чизе нест, ки Нетонёҳуро дар замони ахир ба шиква овардааст. Ӯ чолиши бузургтаре ба номи Эрон дорад, ки илова бар инки як вазнаи низомӣ дониста мешавад бо пешрафт дар барномаи ҳастаии худ ва нуфузи сиёсии рӯзафзӯн дар ҳамаи минтақаи ғарби осиё ҳамроҳ будааст. Зоҳири масъала нишон медиҳад, ки Нетонёҳу тасмим гирифтааст бо ин чолишҳо ба гунае рӯбарӯ шавад, ки ба гумони худаш зомини амнияти Исроил ва манофеии сиёсии шахсии он бошад.»
Аз ҳамин рӯ Нетонёҳу дар се майдон ҳамкори Трамп, муттаҳиди амрикоии худ шудааст: Нахуст инки Ҳизбуллоҳро гурӯҳи террористӣ биноманд, дуввум, Эронро аз майдони Сурия дур кунанд ва севум, як иътилофи дифоӣ миёни Амрико ва Исроил ташкил диҳанд то иқдоми намодин барои кумак ба пирӯзии Нетонёҳу дар интихоботи сентябри ояндаи Исроил бошад ва ба Трамп ҳам барои пирӯзӣ дар даври дувуми интихоботи раёсатҷумҳурии соли оянда кумак кунад.
Нетонёҳу барои муқобила бо Ҳизбуллоҳ, ки ба як қудрати минтақаӣ табдил шудааст дар дидори намояндагони аршади парлумони Фаронса дар қудси ишғолӣ аз Фаронса ва дигар кишварҳои аврупоӣ хост, ки мисли Аргентина Ҳизбуллоҳро дар феҳристи терроризми худ ҷой диҳанд бо ин иддао, ки Ҳизбуллоҳ террористҳоро ба дохили хоки Аврупо мефиристад, чизе, ки рӯзномаи исроилии Ҳиюм дар таърихи 18 июли ҷорӣ баён дошт.
Дар муқобила бо Эрон Нетонёҳу ҳар кореро, ки муттаҳидаш Трамп алайҳи Эрон кард аз таҳримҳои иқтисодӣ ва фишорҳои байналмилалӣ ва иттилоотӣ барои таваққуфи тавсеаи тавонии мушакҳои баллистики Эрон ба кор гирифтааст. Мушакҳое, ки бурди он то Исроил ва ҳатто Аврупо мерасад. Аз ҳамин рӯ бо гурӯҳҳои террористӣ дар ҳамла ба пойгоҳҳо ва нуқоте дар Эрон дар марзҳои Афғонистон ва Покистон бо Эрон ҳамкорӣ мекунад.
Ба навиштаи рӯзномаи Маорю, Нетонёҳу дар нишасти сеҷонибаи амниятии моҳи гузашта дар Қудси ишғолӣ байни мушовирони амнияти миллии Русия, Амрико ва Исроил давоми тавофуқ бо Амрико аз Русия хостанд ҳар гуна тавофуқе дар бораи ояндаи Сурия бояд бо ақабнишинии низомии Эрон аз онҷо ҳамроҳ бошад.
Нетонёҳу ҳатто барои пирӯзӣ дар интихоботи парлумонии ояндаи режими саҳюнистӣ бо Трамп аз иътилофи дифоӣ хабар дод, ки ба иддаои вай бар мабнои тааҳҳуди Амрико барои кумак ба Исроил дар муқобила бо ду таҳдиди асосӣ аст, яке силоҳ ҳастаӣ ва дигаре силоҳи мушакии Эрон аст дар ин хусус ду тараф рӯзона иттилооти дақиқеро дар ихтиёри якдигар қарор медиҳанд ва артишҳояшон размоишҳои муштарак баргузор мекунанд ва Амрико ба раҳгирии мушакҳо ва ракетҳои шилликшуда ба самти Исроил кумак мекунад ва дар сурати рӯй додани ҳар ҷанге аз он ҳимояти лоҷестики фаврӣ ба амал меоварад.
Рун бен Яшой, таҳлилгари низомии саҳюнист дар ин хусус гуфт: «Таъсири воқеии чунин хабаре дар тақвияти фурсати интихоби муҷаддади Нетонёҳу ва таъкид ба дастовардҳои вай ба унвони як сиёсатмадори ҷаҳонӣ аст, ҳамчуноне, ки шонси Трампро барои интихоби муҷаддадаш ба унвони раиси ҷумҳури Амрико бо ҳимояти дастҳои пушти пардаи исроилӣ аз он дар Амрико бештар мекунад.
Рӯзномаи Бано таъкид кард: «Ҳамаи талоше, ки Нетонёҳу барои гирифтани дастовардҳо аз Амрико ба кор бастааст як пешрафти хосси роҳбурдӣ шумурда намешавад; Зеро ҷадидтарин ва маргбортарин силоҳҳои заминӣ, дарёӣ ва ҳавоии Амрико аз қабл дар ихтиёри Исроил қарор гирифтааст илова бар зарродхонаи таслиҳот ва таҷҳизот ва сомонаҳое, ки Вашингтон дар анборҳои вежа дар Исроил дар ихтиёр дорад ва ба сарони саҳюнист муҷаввизи доимӣ барои истифода аз он дар фурсати муносибро зарур донистааст.
Дар поёни ин ёддошт омадааст: «Иғроқ нест, ки мегӯем Исроил дар буъди низомӣ Амрикои кӯчак аст, аммо як савол боқӣ мемонад? Оё ин таслиҳот ва тартибот ва иътилофҳо онро аз хатарҳо ва чолишҳое, ки токунун бо он рӯбарӯ буда ё дар рӯзҳои оянда рӯбарӯ хоҳад буд дар амон медорад?