Сайидҳасан Насруллоҳ дар ибтидои ин мусоҳиба гуфт, ки вазифаи худ медонам, ки ёдбуди пирӯзии ҷанги 33-рӯзаро ба тамомии касоне, ки ин пирӯзиро ба вуҷуд оварданд ва дар раъси онҳо хонаводаи шаҳидон, размандагон, маҷруҳон ва тамоми аркони муодилаи тиллои артиш, миллат ва муқовимат табрик бигӯям.
13 сол аст, ки Лубнон дар амният ба сар мебарад
Дабири кулли Ҳизбуллоҳ Лубнон гуфт: «Тамоми дастовардҳои ҷанги 33-рӯза на танҳо ҳамчунон побарҷо аст, балки тасбит шуда ва шоҳиди яке аз натоиҷи ин муодила дар Лубнон ҳастем, ки 13 сол аст ин кишвар дар амният қарор дорад, ки ҳеҷ касе онро ба Лубнон надода буд. Амниятеро, ки дар Лубнон вуҷуд дорад худи лубнониҳо эҷод карданд ва муҳимтарин унвони имрӯз тавозуни боздорандагӣ миёни Лубнон ва режими саҳюнистӣ ва ба сурати мушаххас миёни муқовимати миллат ва Исроил буда, ки худро қудрати бузург медонад.
Муқовамат бо вуҷуди таҳримҳо қудратмандтар аз ҳар замони дигаре аст
Сайидҳасан Насруллоҳ илова кард: «Исроил низ ба муодилаи кунунӣ тасреҳ дорад, замоне, ки мегӯем пас аз ҷанги 33-рӯза душман қабл аз ҳаргуна таҷовуз ба Лубнон ҳазор бор муҳосиба анҷом медиҳад, ин мавзӯъ ҳар рӯз беш аз гузашта тақвият мешавад. Худоро шукр, ки муқовамат бо вуҷуди таҳримҳо қудратмандтар аз ҳар замони дигаре аст ва давоми 13 соли гузашта, муқовамат чӣ аз ҷиҳати камият ва чӣ кайфият ба таври густарда пешрафт карда ва ин чизе аст, ки Исроил ҳам ба он эътироф дорад.
Муқовимат муҷаҳҳаз ба силоҳҳои хосси худ аст
Вай идома дод: «Давоми 13 соли гузашта неруи инсонии мо пешрафт кард ва теъдоди неруи инсонии таҳоҷумии мо чандин баробар шудааст. Дар соли 2006 тавоноии ҳуҷумии маҳдуде доштем. Имрӯз тавоноии ҳуҷумии хосси худро дорем, ки муҷаҳҳаз ба силоҳҳои махсусе аст. Мо дорои «неруи ризвон» ва «ҳангҳои аббос» ҳастем, ки дар амалиёти таҳоҷумӣ тахассус доранд.
Дабири кулли Ҳизбуллоҳи Лубнон гуфт: «Тавонои мушакӣ чӣ аз назари теъдод ва чӣ аз назари навъ пешрафт дошта ва мушакҳое, ки дорем силоҳи дақиқ аст. Ҳамчунин дар заминаи пҳподҳо, дар соли 2006 теъдоди каме аз онҳоро доштем, аммо имрӯз ин силоҳ қудратманд буда ва имконоти зиёде дар ин замина дар ихтиёр дорем.
Вай изофа кард: «Муқовимат ишрофи иттилоотии бузурге дар замин, дарё ва ҳаво дорад ва муқовимат дар тамомии заминаҳо аз ҷиҳати теъдод, таҷриба, имон ва яқин ба кӯмаки ёрии илоҳӣ пешрафт доштааст.
Сарони Исроил имрӯз беш аз ҳар замони дигаре аз муқовамат ҳарос доранд.
Сайидҳасан Насруллоҳ ба тарсу ҳароси саҳюнистҳо аз муқовимат ишора кард ва гуфт: «Сарони Исроил имрӯз беш аз ҳар замони дигаре аз муқовимат ҳарос доранд. Чӣ касе гуфт, ки мо дорои мушакҳои зиддиҳавоӣ ҳастем? Мо дар ин мавзӯъ аз сиёсати ибҳоми созанда пайравӣ мекунем.»
Дабири кулли Ҳизбуллоҳи Лубнон изофа кард: «Ҳар ончи, ки душмани саҳюнистӣ барои беҳбуди рӯҳия ба кор барад, шикаст хӯрд. Ба Исроил тавсия мекунам, ки аз адабиёти бозгардондани Лубнон ба асри ҳаҷар истифода накунад, ин адабиёт тавҳин ба Лубнон аст. Дар соли 2006 гуфтам, ки Исроил аз хонаи анкабут ҳам сусттар аст ва давоми 13 соли гузашта итминону бовариам ба ин калом афзоиш ёфт.»
Муқовимат бо ҳазорон мушак Исроилро ба асри ҳаҷар бозмегардонад
Вай идома дод: «Дар навори соҳилии сарзаминҳои ишғолӣ, аз шаҳраки Нитонё то Ашдуд, ки тӯли он 70 километр ва арзи он 14 ило 20 километр аст, теъдоди зиёде аз шаҳракҳои исроилӣ дар ин навор қарор доранд. Ин навор ё мураббаъ, ки 1200 километри мураббаъ аст тамомии марказҳои давлатии Исроил аз ҷумла фурудгоҳи Бен Гурюн ва анборҳои силоҳ ва корхонаҳои петрушимӣ ва ду бандари Телавив ва Ашдуд дар он қарор дорад. Тасаввур кунем муқовамат, ки ҳазорон мушак дар ихтиёр дорад ба ин минтақа дастрасӣ дорад. Оё бо мушакборони ин минтақа режими саҳюнистӣ метавонад бо паёмадҳои он канор биёяд? Чӣ касе метавонад тарафи дигарро ба асри ҳаҷар бозгардонд?!
Сайидҳасан Насруллоҳ изофа кард: «Режими саҳюнистӣ имрӯз аз ҳаргуна ҷанг алайҳи Лубнон ба ақаб ронда шудааст. Гуфтанд, ки мушакҳои дақиқ мамнуъ аст ва имрӯз дорои мушакҳои дақиқ ҳастем. Режми саҳюнистӣ аз ҳаргуна ҳамлаи ҳавои ба Лубнон худдорӣ мекунад ва вай аз муқовамат ҳарос дорад. Ҳадиақал Ҳизбуллоҳ қодир аст, ки вайронии густардаеро ба Исроил ворид оварад. Розеро, ки исроилиҳо онро намедонанд то вақте, ки замони он фаро нарасад фош намекунам ва ин каломро исроилиҳо медонанд.
Дар сурати ҷанг бо Исроил вориди Ҷалил хоҳем шуд
Дабири кулли Ҳизбуллоҳи Лубнон ба қудрати боздорандагии муқовимат ишора кард ва гуфт: «Ҷанги Исроилро ба далели боздорандагӣ дур аз эҳтимол медонам. Онҳо медонанд, ки ҷанг бо Лубнон ва ҳаргуна ҷанги ҷадид паёмадҳои бисёр бузургтаре аз ҷанги соли 2006 барои онҳо ба ҳамроҳ хоҳад дошт ва онҳоро дар остонаи нобудӣ қарор медиҳад. Дар сурати ҳар ҷанг вуруд ба Ҷалил ҷузви барномаи муқовамат хоҳад буд ва рӯзи ҷанг хоҳем гуфт, ки кадом тарҳро иҷро хоҳем кард.»
Вай дар идома бо ишора ба ин мавзӯъ, ки яқин дорад дар ҳар ҷанги дигаре, пирӯзии бузурге бадаст хоҳад омад, гуфт: «Чанд рӯзи пеш сухане аз Сайид Ҳавсӣ хондам, ки Муҳаммад ибни Салмонро мавриди хитоб қарор дода ва гуфта буд агар ҳама чиз дар муқобили як миллати муҷоҳид ва мазлум дар ихтиёр дорӣ бидон кӣ, Худованд бо мо аст на бо ту.»
Бақои режими саҳюнистӣ ба далели ҳимояти ғарбиҳо аст
Сайидҳасан Насруллоҳ гуфт, ки бақои режими саҳюнистӣ ба далели ҳимоят ғарбиҳо ва инфиоли арбҳо аст ва таъкид кард: «Мо имон дорем, ки муомилаи қарн шикаст хоҳад хӯрд. Ин тарҳ фоқиди аносире аст, ки ба муваффақият мунҷар шавад. шумо ҳаргиз ҳеҷ фаластинӣ ё мусулмон ё масеҳӣ ва ҳатто арабро нахоҳед ёфт, ки бо додани муқаддасоти исломӣ ва масеҳӣ ба Исроил мувофиқат кунад ва ин нуқтаи заъфи аслӣ дар муомилаи қарн аст.»
Дабири кулли Ҳизбуллоҳи Лубнон изофа кард: «Истикбори Амрико замоне, ки Қудсро пойтахти Исроилро эълом кард тири охирро ба муомилаи қарн шиллик кард ва тамоми ин талошҳо барои зинда кардани ин мурда (муомила қарн) аст. Онҳо ба далели ваҳдати фаластиниҳо ва пойдории Эрон, ки тақрибан танҳост ва пирӯзӣ дар Сурия, ба натиҷае нахоҳанд расид.»
Сардаргумии Исроил аз авомили шикасти муомила қарн аст
Вай идома дод: «Яки дигар аз авомили шикасти муомилаи қарн сардаргумии Исроил аст. Ин тарҳ уфуқ нахоҳад дошт ва расонаҳои мухталиф ба нақл аз Кушнер эълом карданд, ки нишасти ахири Баҳрайн шикаст хӯрда буд. Фаластиниҳо ҳамвора таҳти фишор ва таҳдид буда ва ҳастанд то инки амрикоиҳо аз ҳосил шудани натиҷа маъюс ва ноумед шаванд.»
Сайидҳасан Насруллоҳ дар бораи мавзӯи искони фаластиниҳо дар кишварҳои дигар низ гуфт: «На Трамп ва на Кушнер дар ин замина иродае надоранд ин мавзӯъ ба хости давлат ва кишвари мизбон ва хости худи фаластиниҳо марбут аст. Ба таври мисол, фаластиниҳое, ки дар Лубнон ҳузур доранд ҳаргуна чашмпӯшӣ аз сарзаминҳояшон ва искон дар Лубнонро рад мекунанд ва лубнониҳо низ дар ибтидои қонуни асосиашон ва хости ҷомеаи ин кишвар мавзӯи искони фаластиниҳоро рад мекунад. Агар лубнониҳо исконро рад кунанд чӣ касе метавонад ин мавзӯъро ба онҳо таҳмил кунад?»
Амрико тамоми имконот барои таҳаққуқи хостаи Исроил дар тарсими марзҳоро ба кор хоҳад баст
Дабири кулли Ҳизбуллоҳи Лубнон дар идомаи ин мусоҳиба ба ихтилофоти марзӣ миёни ин кишвар ва режими саҳюнистӣ ишора кард ва гуфт, ки давлати Лубнон исрор дорад, ки гуфтугӯҳо дар бораи тарсими марзҳо зери назари Созмони Милал сурат бигирад ва Амрико низ дар ин замина кӯмак кунад, аммо исроилиҳо намехоҳанд, ки Созмони Милал дар ин замина ба ифои нақш бипардозад ва хостори фақати ҳузури Амрико ҳастанд. Агар фақат Амрико дар музокироти тарсими марзҳо ҳузур дошта бошад тамоми имконоти худро барои таҳаққуқи хостаҳои Исроил ба кор хоҳад баст.»
Вай дар идома ба парвандаи Сурия ишора кард ва гуфт: «Ҳар ончи, ки то кунун ҳосил шудааст пирӯзии бузурге барои Сурия ва меҳвари муқовимат ва Русия буда ва шикасти бузурге барои тарафи дигар ва шикасти сахт барои тарафе аст, ки муддаии ҷанги ҷаҳонӣ алайҳи Сурия буд. Давлат Сурия дар ҳоли беҳбуд аст албатта ҳанӯз парвандаҳое боқӣ монда, ки аз ҷумла метавон ба Идлиб, шарқи Фурот ва мавзӯи сиёсӣ ишора кард. Аммо дар маҷмӯъ дигар ҳеҷ бозгашт ба ақабе дар Сурия вуҷуд надорад.»
Бо Русия дӯст ҳастем, аммо аз онҳо дастур намегирем ва ҳамоҳангӣ бо Вазорати дифои Сурия аст
Сайидҳасан Насруллоҳ изофа кард: «Мо бо Русия дӯст ҳастем ва бо онҳо ҳамоҳангӣ дорем албатта аз онҳо дастур намегирем ва тарафе, ки ҳамоҳангиро анҷом медиҳад Вазорати дифои Сурия аст. Дар ҷанги кунунӣ дар Идлиб бародарони сурӣ аз мо нахостаанд, ки вуруд пайдо кунем. Аз рӯзи аввал гуфтем ҳар ҷое, ки ниёз бошад дар Сурия ҳузур пайдо хоҳем кард ва мо ба тасмими сарони Сурия эҳтиром мегузорем. Имрӯз замоне, ки дар бораи даргириҳои кунунӣ дар Сурия сӯҳбат мекунем таъкид дорем, ки шароити артиш Сурия беҳбуд ёфта ва ба ин натиҷа расида, ки дар даргириҳои кунунӣ ниёзе ба мо надорад. Ҳеҷ минтақаеро ба таври комил раҳо накардаем аммо ҳеҷ далеле вуҷуд надорад, ки ҳамон теъдоде, ки дар гузашта дар Сурия ҳузур доштанд боқӣ бимонанд.»
Даргирии Эрону Русия дар Сурия дурӯғ аст
Вай афзуд: «Дар Сурия боз истиқроре анҷом додем ва теъдоди низомиёнро коҳиш додем агар ниёз шуд интиқоли неруҳо ба Сурия ба осонӣ сурат хоҳад гирифт. Аз русҳо намешнавем, ки онҳо дар бораи хуруҷи Эрон ё Ҳизбуллоҳ аз Сурия қонеъ шудаанд. Онҳо дарк мекунанд, ки ба кӯмаки Эрон дар Сурия ҳамчунон ниёз аст. То ин лаҳза хуруҷ Эрон аз Сурия дар ростои манофеи Русия нест. Бархе пойгоҳҳои хабарӣ дар бораи даргирӣ миёни неруҳои русӣ ва эронӣ дар Сурия сӯҳбат мекунанд ва ин ахбор дурӯғ ҳастанд. Ҳамоҳангии бузурге миёни Русия ва Эрон чӣ дар заминаи низомӣ ва чӣ сиёсӣ вуҷуд дорад. Касоне, ки бар рӯи ихтилофоти Эрон ва Русия ҳисоб боз мекунад мегӯям, ки имрӯз Эрон ва Русия аз ҳар замони дигар ба якдигар наздиктар ҳастанд.»
Нетанёҳу бидонад, ки Эрон ҳаргиз аз Сурия хориҷ намешавад
Дабири кулли Ҳизбуллоҳи Лубнон ба ҳамалоти ҷангандаҳои исроилӣ ба аҳдофе дар Сурия ишора кард ва гуфт: «Исроил мегӯяд, ки ҳадаф аз ҳамла ба Сурия ҷилавгирӣ аз расидани силоҳ ба Лубнон аст ва ман ба онҳо мегӯям, ки силоҳҳо расид ва Исроил дар ҳоли фиреби мардуми худ аст. Исроил дар ҳоли моҷароҷӯӣ дар Сурия аст. Ба Нетанёҳу мегӯям, ки ҳар ончи, ки мехоҳед анҷом диҳед Эрон ҳаргиз аз Сурия хориҷ нахоҳад шуд.»
Вай идома дод: «Замоне, ки C300 вориди муодилот дар Сурия шавад авзоъ комилан тағйир хоҳад кард. Ба исроилиҳо мегӯем, ки шумо дар ҳоли бозӣ ба рӯи лабаи оташ ҳастед. Русия ҳеҷ нафъе аз ҳамлаи Исроил ба Сурия надорад ва русҳо наметавонанд монеъ аз анҷоми ин ҳамалот шаванд. Аммо мегӯям, ки Русия бояд Исроилро аз бомбаборони Сурия манъ кунад.»
Сайидҳасан Насруллоҳ гуфт, ки вай доиман бо Башор Асад, раиси ҷумҳури Сурия дидор мекунад аммо ба далели шароити амниятӣ замонҳои ин дидорро намегӯяд.
Амрико медонад, ки ҷанг бо Эрон бисёр пурҳазина хоҳад буд
Дабири кулли Ҳизбуллоҳи Лубнон ба танишҳо миёни Амрико ва Эрон низ ишора кард ва гуфт: «Эрон ҳаргиз оғозгари ҷанг бо Амрико нахоҳад буд. Амрико низ мегӯяд, ки хостори ҷанг бо Эрон нест ва баид аст, ки Амрико оғозгари ҷанг бо Эрон бошад. Амрико медонад, ки ҷанг бо Эрон бисёр пурҳазина хоҳад буд. Фарзияи дигаре низ вуҷуд дорад, ки авзоъ ноором шавад ва ин мавзӯе аст, ки имкони вуқӯи он вуҷуд дорад аммо ду тараф талош доранд, ки танишҳо ба ҷанг сабаб нашавад.»
Трамп пас аз дарёфти номаи Эрон ҳамларо мутаваққиф кард
Вай изофа кард: «Ду тарафи эронӣ ва амрикоӣ таваҷҷӯҳи зиёде ба кашида нашудани авзоъ ба ҷанг доранд. Пас аз сарнагун шудани паҳподи амрикоӣ, Трамп таҳдид кард аммо пас аз он гуфт, ки ҳамларо ба таъхир андохтааст аммо ин ҳарфи пуч аст. Воқеият он аст, ки Эрон номае аз тариқи кишвари севуме ба Амрико ирсол кард ва дар ин нома омадааст, ки “агар ҳаргуна ҳадаф дар Эрон ё вобаста ба Эронро бомбаборон кунед Эрон низ аҳдофи амрикоиро бомбаборон хоҳад кард.” Трамп пас аз дарёфти нома Эрон ҳамларо мутаваққиф кард.»
Мантиқи Эрон барои гуфтугӯ: Амрико бояд гоми нахустро бардорад ва он рафъи таҳримҳо аст
Сайидҳасан Насруллоҳ дар идома гуфт: «Эрон ҳаргиз бо Амрико ба сурати мустақим гуфтугӯ нахоҳад кард ва ин мавзӯе нест, ки мавриди ихтилофи мақомоти Эрон бошад балки мавзеи тамоми мақомоти Эрон аст. Ҳеҷ эрониро намеёбед, ки бигӯяд бояд музокира кунем. Албатта Эрон ҳеҷгуна мушкиле бо талошҳои байналмилалӣ барои расидан ба як роҳи ҳал надорад. Аммо як мантиқи эронӣ вуҷуд дорад, ки Амрико бояд гоми нахустро бардорад ва он рафъ шудани таҳримҳо аст.»
Эрон таслими муҳосира ва таҳрим нахоҳад шуд
Дабири кулли Ҳизбуллоҳи Лубнон изофа кард: «Эрониҳо аз ҳар гоме, ки каромати онҳоро ҳифз кунад истиқбол мекунанд. Эрониҳо таслими муҳосира ва таҳрим нахоҳанд шуд ва онҳо ин таҳдидро ба фурсат табдил хоҳанд кард ва аз тариқи он тавлиди дохилро тақвият мекунанд. Эрониҳо дар ҷиҳати тақвияти равобити худ бо кишварҳои ҳамсоя гом бармедоранд ва дар ҳоли тақвияти тавоноиҳои худ барои расидан ба пешрафти иқтисодӣ ҳастанд. Мавзӯи дигар мавзӯи ҳастаӣ аст, ки тарафи эронӣ мӯҳлати 60 рӯза таъйин кард ва пас аз гузашти ин мӯҳлат, афзоиши ғанисозиро эълом кард.»
Агар масири сиёсӣ дар бораи таваққуфи нафткаши эронӣ шикаст бихӯрад Эрон сукут нахоҳад кард
Вай ба иқдоми Англис дар тавқифи як нафткаши эронӣ низ ишора кард ва гуфт: «Англисиҳо бештар аз фаронсавиҳо дар ҷиҳати мақсадҳои Амрико гом бармедоранд. Англисҳо мегӯяанд он чизе, ки рӯй дода ба таҳримҳо алайҳи Сурия иртибот дорад. Агар масири сиёсӣ шикаст бихӯрад Эрониҳо дар бораи ин мавзӯъ сукут нахоҳанд кард.»
Сайидҳасан Насруллоҳ дар бораи гуфтугӯи Эрон ва Арабистони Саудӣ низ гуфт: «Дар ин лаҳза итминон дорам, ки Эрон барои анҷоми гуфтугӯ монее надорад анҷом гуфтугӯ дар ҷиҳати манофеи минтақа аст. Саудиҳо озору азияти зиёде барои Лубнон эҷод карданд аммо мо низ мухолифате бо гуфтугӯи Эрон ва саудиҳо надорем ва ҳеҷ касе бо анҷоми ин гуфтугӯ ба ҷуз Нетанёҳу мухолифате надорад. Ҳатто миллати Яман, ки устухонҳояш хӯрд шудааст бо анҷоми ин гуфтугӯ мухолифате надорад.»
Ҷанги вайронгар ва паёмадҳои он бузург хоҳад буд
Дабири кулли Ҳизбуллоҳи Лубнон гуфт: «Масъулияти мо дар минтақа ин аст, ки ҳар ончи, ки дар тавон дорем барои ҷилавгирӣ аз бурузи ҷанги Амрико алайҳи Эрон анҷом диҳем чун ин ҷанг вайронгар ва паёмадҳои он бузург хоҳад буд. Кинаи саудиҳоро бояд ба каноре гузошт. Ҷанг вайронгар хоҳад буд ва оғози ҷанги вайронгар ба нафъи чӣ касе аст? Дар Лубнон бархе мегӯянд, ки бояд аз ҷанг фосила бигирем аммо мегӯям агар ҷанге рӯй дод ҳеҷ касе наметавонад худро аз он дур кунад. Бояд дар бораи хатароти ин ҷанг сӯҳбат кунем. Ба таври мисол агар ҷанге рӯй дод вазъияти Аморот чигуна хоҳад буд? Бозорҳо чигуна хоҳанд буд? Оё бурузи ҷанг ба нафъи Аморот аст? Ва қатъан аморотиҳо ва саудиҳо ва тамомии касоне, ки дар ин ҷанг мушорикат мекунанд дар амон нахоҳанд буд.»
Ҷанги Амрико алайҳи Эрон кулли минтақаро шӯълавар хоҳад кард
Вай ҳушдор дод: «Ҳар кишваре, ки дар ҷанг алайҳи Эрон мушорикат дошта бошад баҳои онро хоҳад пардохт. Эрон давоми тамоми солҳои гузашта пуштибони тамоми миллатҳо ва ҳукуматҳое буд, ки дар баробари тӯфонҳои амрикоӣ қарор дошт. Дар сурати бурузи ҷанги Амрико алайҳи Эрон кулли минтақа шӯълавар хоҳад шуд ва Эрон қодир аст, ки бо қудрат ва шуҷоат Исроилро бомбаборон кунад. Меҳвари муқовимат низ бо қудрат дар ҳоли баррасии ин мавзӯъ аст, ки оё дар сурати бурузи ин ҷанг тамошочӣ бимонем?
Ҷанг алайҳи Эрон оғоз шавад яъне ҷанг дар кулли минтақа оғоз шудааст
Сайидҳасан Насруллоҳ гуфт: «Дар сурати бурузи ҳаргуна ҷанг, Исроил бетараф нахоҳад буд ва замоне, ки ҷанге алайҳи Эрон оғоз шавад яъне ин ҷанг дар кулли минтақа оғоз шудааст. Таҳдид ба нобудии Арабистони Саудӣ монеъ аз ҷанг алайҳи Эрон набуда, балки чизе, ки монеъ аз вуруди Амрико ба ҷанг мешавад ин аст, ки медонад тамомии неруҳо ва манофеаш ва Исроил низ дар доираи оташи Эрон қарор доранд.
Чизе, ки Ансоруллоҳ мехоҳад таваққуфи ҷанг аст
Вай дар идома ба мавзӯи Яман низ ишора кард ва гуфт: «Бародарон дар Яман хостори ҷанг нестанд ва тамоми ҳадафи онҳо ин аст, ки душманро маҷбур ба таваққуфи ҳамалот кунанд. Рафтан ба ҷилав мутаҷовизро маҷбур мекунад, ки ҳамалотро мутаваққиф кунад. Яманиҳо қодир ҳастанд, ки тамоми фурудгоҳҳои Арабистонро бомбаборон кунанд. Чизе, ки Ансоруллоҳ мехоҳанд он аст, ки ҷанг мутаваққиф шавад ва хостори вайронии бештар нестанд. Аморот низ бояд муҳосиботи худро бори дигар анҷом диҳад.»
Сайидҳасан Насруллоҳ гуфт: «Мушкили мо бо Саудӣ ба далели ҷанг алайҳи Яман аст. Муҳаммад ибни Салмон ҷуръат надошт, ки нишасти иқтисодии муомилаи қарнро дар Арабистон баргузор кунад бинобарин пешниҳод дод, ки ин нишаст дар Баҳрайн баргузор шавад. Арзишҳо ҳеҷ ҷойгоҳе дар низоми Баҳрайн надоранд.»
Дабири кулли Ҳизбуллоҳи Лубнон дар идомаи ин мусоҳиба дар бораи бархе масоили дохилии Лубнон ба гуфтугӯ пардохт.
Сайидҳасан Насруллоҳ гуфт: «Ба сароҳат мегӯям, ки агар Ҳизбуллоҳ вуҷуд надошт яке аз аносири қудрати Лубнон набуд. Таҳримҳо алайҳи мо ва Эрон таъсиргузор аст, аммо мо гурӯҳе ҳастем, ки зери бори зиллату хорӣ намеравем ва гузинаҳои зиёде барои пешбурди умури худ дорем.»