“Абдулқодир Силуй” рӯзноманигори машҳури турк дар сармақолаи имрӯзи худ дар рӯзномаи “Ҳуррият” бо унвони “стратегияҳои Ардуғон барои давраи ҷадид” бо ишора ба шикасти талхи ҳизби ҳокими Адолат ва тавсеа дар интихоботи шаҳрдориҳои Туркия аз чаҳор дастуркори ин ҳизб барои давраи пеши рӯ хабар дод.
Бар асоси мақола Абдулқодир, ин чаҳор дастуркор иборатанд аз: таҳлил ва баррасии натоиҷи интихоботи 31 март ва 23 июн шаҳрдориҳои Туркия, барномарезӣ барои интихоботи соли 2023 мелодӣ, муқобила барои таъсиси ҳизби ҷадиди Абдуллоҳ Гул, Алӣ Бобоҷон ва Аҳмад Довудоуғлу ва эъмоли тағйироти мудириятӣ дар сатҳи ҳизби Адолат ва тавсеа.
Абдулқодир дар арзёбии Раҷаб Тайиб Ардуғон раисҷумҳури Туркия мабни бар инки “тағйироте дар кобинаи давлат сурат нахоҳад гирифт” навишт: То замоне, ки расонаҳо ва аҳзоби мухолиф барои тағйироти кобина бар Ардуғон фишор биоваранд, вай чунин кореро нахоҳад кард чаро ки Ардуғон медонад, ки агар ин тағйиротро таҳти фишор қарор диҳад ба унвони як ақибнишинӣ ва таслим арзёби хоҳад шуд ва боис хоҳад шуд, ки аҳзоби мухолиф поро фаротар гузошта ва мавзӯъоти монанди баргузории рефрондум барои тағйири системи риёсатӣ ба системи парлумонӣ матраҳ кунанд ва бо фишори расонаҳо таҳаққуқ бибахшанд.
Ин рӯзноманигори турк аз вуҷуди ду хатти қирмиз барои Ардуғон хабар дод ва навишт: Яке аз ин хатти қирмизҳо таҳвили сомонаи дифои мушакии S-400 аз Русия бо вуҷуди таҳдидоти Амрико ва дигарӣ ҳифзи домодаш “Барот Олбоирок” ба унвони вазири дороӣ ва хазонадории Туркия аст.
Абдулқодир дар мақолаи худ хабар дод, ки Ардуғон аз моҳи сентябр сафарҳои устонии худро оғоз хоҳад кард ва дар шаҳрҳое, ки ҳизби Адолат ва тавсеа пирӯз шудаанд суханрони карда ва аз мардуми ин шаҳрҳо ташаккур хоҳад кард.
Вай сабаби интихоби моҳи сентябр барои сафарҳои устонии Ардуғонро ингуна шарҳ дод: Бар асоси иттилооте, ки аз дохили ҳизби Адолат ва тавсеа берун омадааст, замони таъсиси ҳизби ҷадиди Абдуллоҳ Гул, Алӣ Бобоҷон ва Аҳмад Довудоуғлу поизи соли ҷорӣ унвон шудааст. Ба ҳамин хотир Ардуғон талош хоҳад кард, то пеш аз эълони расмии ин ҳизби ҷадид аз тамоми тавони худ барои ҷилавгирӣ аз иншиқоқи ҳизби Адолат ва тавсеа аз тариқи митингҳои сиёсӣ дар майдонҳои шаҳрҳо истифода кунад.
Бахше аз ёддошти имрӯзи Абдулқодир ба шарҳи зер аст:
Дар ҷаласаи Ардуғон бо намояндагони ҳизби адолат ва тавсеа мавзӯъоти монанди таъсиси ҳизб ҷадид матраҳ мешавад. Раҷаб Тайиб Ардуғон дар муқобили дархости тағйироти кобина ба шиддат вокуниши манфӣ нишон медиҳад аммо дар муқобил хабари таъсиси ҳизби ҷадид, эҳсосоти шуда ва эълон мекунад: “Аз пушт ба мо ханҷар мезананд”. Ардуғон пеш аз ин дар мавриди ашхосе, ки ба думболи таъсиси ҳизби ҷадид буданд гуфта буд: “Касоне, ки сояи ҳизби Адолат ва тавсеаро ба унвони сояи худ талаққӣ мекунанд ба монанди бушкаи холӣ замин хоҳанд хӯрд ва ба таърих хоҳанд пайваст”. Дар дохили ҳизби Адолат ва тавсеа касоне ҳам ҳастанд, ки талош мекунанд дар дохили ҳизб ҷудоӣ эҷод карда ва Алӣ Бобоҷон ва Аҳмад Довудуғлуро ба самти Ардуғон баргардонанд. Аммо чунин иттифоқе нахоҳад афтод чаро, ки Ардуғон ахиран бо Бобоҷон ва Довудоуғлу дидор карда ва чун бо онҳо ба тавофуқ нарсидааст роҳи мубориза бо онҳо барои ҷилавгирӣ аз иншиқоқу ҷудоӣ дар ҳизби Адолат ва тавсеаро интихоб кардааст.