Ба гузориши “Спутник”, ДИИШ ба ин баҳона, ки рӯза баданро заиф ва шахси рӯзадорро дучори хастагӣ ва сустӣ мекунад ва аз идомаи мубориза дар роҳи эътиқодоташ бозмедорад, таъкид кардааст, ки ҷангҷӯёни ин гурӯҳ ба иллати даргирӣ дар ҷанг набояд рӯза бигиранд.
ДИИШ ҳамчунин дар фатвои дигар, занонро дар рӯзҳои моҳи Рамазон аз берун омадан аз хона манъ кардааст то мунҷар ба фитна миёни мусулмонон нашавад. Аз ин рӯ, занон дар ин моҳ танҳо метавонанд пас аз намози мағриб ба ҳамроҳи яке аз маҳорими худ аз хона хориҷ шаванд.
Бар асоси фатвоҳои муфтиёни ДИИШ, ҳамчунин мағозаҳо ва фурӯшгоҳҳо дар даҳаи охири моҳи Рамазон ва қабл аз фаро расидани иди Фитр бояд баста бошанд то мусулмонон фақат ба ибодат бипардозанд.
Муфтиёни ДИИШ ҳамчунин фатво додаанд, ки “касе, ки ДИИШ – ро дӯст надорад, рӯзааш қабул нест”.
Муфтии ДИИШ дар шаҳри Ҳумси Сурия эълом кардааст, касе, ки ДИИШ –ро дӯст надорад, рӯзааш қабул намешавад, бинобарин воҷиб нест ранҷи рӯзадориро таҳаммул кунад.
Бар ин асос, ҳамчунин касоне, ки вобаста ба ташкилоти ДИИШ нестанд, рӯзаи онҳо ботил аст ва метавон дар мавриди онон ба унвони шахси мунофиқ муҷозоти ҳадро ҷорӣ кард.