Ба гузориши сомонаи нашрияи Маҷлиси Олии Ҷумҳурии Тоҷикистон “Садои мардум”, Озода Раҳмон аз мақомоти Додситонии кулли Тоҷикистон дархост кардааст, ки ба далели эъломи солҳои 2019 то 2021 ба унвони “Солҳои рушди деҳот, сайёҳӣ ва ҳунарҳои мардумӣ” бо афроде, ки дар гузаргоҳҳои вурудии ин ҷумҳурӣ бо амалҳои худ мӯҷиби хадшадор шудани обурӯи ин кишвар мешаванд, ба шиддат бархурд кунанд.
Бар асоси ин дастур бояд назорати додситонӣ бар фаъолияти кормандони гумрук, марзбонӣ ва фурудгоҳҳо, ки масирҳои умдаи вуруди гардишгарони хориҷӣ аст, тақвият шавад.
Вай ҳамчунин аз мақомоти Додситонии кулли Тоҷикистон дархост кардааст, ки барои таъмини ҳуқуқ ва озодиҳои иҷтимоии шаҳрвандони ин кишвар, мавориди шиканҷаи боздоштшудагон дар боздоштгоҳҳо ва зиндонҳоро сареътар пайгирӣ намоянд.
Риоя ва иҷрои қонунгузории иҷрои ҷазои ҷиноятӣ дар муассисаҳои низоми иҷрои ҷазои ҷиноятӣ аз масъалаи дигаре буд, ки ба иттилои нашрияи “Садои мардум”, Озода Раҳмон хостори таҳкими назорати он шуд.